Historjjálaš arkiiva

Stáhtabušeahtta 2022:

Nationálabušeahta 2022 čoavddalogut

Historjjálaš arkiiva

Almmustahttináigodat Solberga ráđđehus

Almmustahtti: Ruhtadandepartemeanta

Ruhtadandepartemeanta almmuha ovtta oasi čoavddaloguin ovdal go nationálabušeahtta ja stáhtabušeahtta almmuhuvvo diibmu 10.00 vai buohkat besset árvvoštallat makroekonomalaš loguid mat sáhttet leat sensitiiva gálvomárkana ektui. Dárkilis meroštallojuvvon tabealla almmuhuvvo oktanaga nationálabušeahtain.

Servodatdoaimmaid ráhpan lea mielddisbuktán ahte leaktu norgga ekonomiijas lea fas lassánan. Ekonomalaš roassu lea dál dadjat juo nohkan, ja eanaš fitnodagat vurdet stuora ovdáneami ovddasguvlui. Ollu ealáhusat vásihit čuolmmaid dan sivas go lea váttis gávdnat dohkálaš bargofámu.  Nannán-Norgga bruttonationálabuvtta 2022:s meroštallojuvvo 3,8 prosentii, ja  meroštallojuvvo loktanit 3,9 prosentii dán jagi, geahča tabealla vuollelis.

Registrerejuvvon bargguhisvuohta njiedjá hui johtilit ja lea dál sullii seamma dásis go ovdal pandemiija. Bargguhisvuohta njiedjá johtileappot go reviderejuvvon nationálabušeahtas meroštalaimet miessemánus. Muhto pandemiija váikkuhusat galget hálddašuvvot maiddái jagi 2022.  Registrerejuvvon bargguhisvuohta meroštallojuvvo njiedjat 3,2 proseanttas 2,4 prosentii dán jagis boahtte jahkái.

Jagi 2022 oljoruđaid geavaheapmi meroštallojuvvo 322,4 milj.ruvdnui, mihtiduvvon struktuvrralaš oljomuddejuvvon bušeahttavuolláibáhcaga ektui. Dat vástida 2,6 proseantta Stáhta olgoriikka penšuvdnafoandda navdojuvvon kapitálas jagi álggus; njiedjá 3,6 proseanttas 2,6 prosentii dán jagis boahtte jahkái.   

Struktuvrralaš oljomuddejuvvon bušeahttavuolláibáza vuoliduvvo 2,6 proseanttain mihtiduvvon jagi 2021 ja 2022 árvvu ektui (bušeahttaimpulsa), vuosttažettiin dan sivas go erenoamáš ja gaskaboddosaš koronadoaimmat loahpahuvvojit.   

Jos vel jagi 2022 bušeahttaevttohus, go dan geahččá sierra, orru hui ráddjejeaddji, de leat jagiid 2020 ja 2021 nana ja beaktilis bušeahtat mielde váikkuheamen dasa ahte ekonomalaš doaimmat Norggas lassánit boahtte jagi. Ekonomiijadilli šaddá maid dasto nannoseappot dál go njoammuneastadandoaimmat mat ráddjejit vejolašvuođa bargat ja tinet loahpahuvvojit.  Dan lassin vásihat ahte dállodoaluid seastin pandemiija áiggi lea dagahan ahte lea šaddan eambbo gávpeberoštupmi gálvvuide ja bálvalusaide.     

Jagi 2022 vuollebáza lea njiedjan sullii 84 mrd.ruvnnuin jagi 2021 ektui ja jagi 2020 ektui lea vuollebáza njiedjan 63 mrd.ruvnnuin, rehkenastojuvvon 2022-ruvdnoárvvu ektui.

Tabealla: Jagi 2022 nationálabušeahta ekonomalaš váldologut1

 

2020

2021

2022

Bruttonationálabuvtta Nannán-Norga

-2,5

3,9

3,8

Barggahus, olbmot

-1,3

0,8

1,4

Bargguhisvuođalogut, registrerejuvvon(dássi)      

5,0

3,2

2,4

Struktuvrralaš, oljomuddejuvvon bušeahttavuollebáza, mrd. 2022-ruvnno

385,8

406,8

322,4

Bušeahttaimpulsa2

3,8

0,6

-2,6

SPU-golut3

3,6

3,6

2,6

¹ Proseanttalaš rievdadus jos eará ii leat almmuhuvvon.

2 Struktuvrralaš, oljomuddejuvvon vuolláibáza proseantan BNP-Nannán-Norggas. Ovddit jagi rievdadus lea proseantaovttadaga mielde.

3 Struktuvrralaš, oljomuddejuvvon vuollebáza proseantan Stáhta olgoriikka penšunfoandda (SPU) kapitálas jagi álggus (2022 meroštus).

 

Gáldut: Statistihkalaš guovddášbyrå, Nav ja Ruhtadandepartemeanta