Ráđđehusas rievdadusat

Stuoradiggeáirras Trine Skei Grande lea nammaduvvon kulturministtarin.

Gieldda- ja ođasmahttinministtar Jan Tore Sanner lea nammaduvvon máhtto- ja ovttaiduhttinministtarin.

Ealáhusministtar Monica Mæland lea nammaduvvon gielda- ja ođasmahttinministtarin.

Sisafárren- ja ovttaiduhttinministtar Sylvi Listhaug lea nammaduvvon justiisa-, gearggusvuođa- ja sisafárrenminsttarin.

Máhttoministtar Torbjørn Røe Isaksen lea nammaduvvon ealáhusministtarin.

Kulturministtar Linda Cathrine Hofstad Helleland lea nammaduvvon mánáid- ja dásseárvoministtarin.

Cyberovttasteaddji Åse Michaelsen lea nammaduvvon vuorrasiid- ja álbmotdearvvašvuođaministtarin.

Stuoradiggeáirras Ola Elvestuen lea nammaduvvon dálkkádat- ja birasministtarin.

Stuoradiggeáirras Nikolai Eivindssøn Astrup lea nammaduvvon ovddidanministtarin.

Advokáhtta Iselin Nybø lea nammaduvvon dutkan- ja alitoahpu oahpahusministtarin.

Seammás lea Gonagas stáhtaráđis dálkkádat- ja birasministarii Vidar Helgesenii, mánáid- ja dásseárvoministarii Solveig Hornei, justiisa- ja gearggusvuođaministarii Per-Willy Trudvang Amundsenii ja EEO- ja EO-ministarii Marit Berger Røslandii addán gudniin beassan heaitit.

Rievdadusat leat fámus dii. 16.00 rájes odne.

 

Ráđđehusa leat vuođđudan Olgeš (O), Ovddádusbellodat (OvB) ja Gurut (G). Otná ráđđehus lea:

Stáhtaministtar
Erna Solberg (O)

Ruhtadanministtar
Siv Jensen (OvB)

Kulturministtar
Trine Skei Grande (G)

Máhtto- ja ovttaiduhttinministtar
Jan Tore Sanner (O)

Johtalusministtar
Ketil Solvik-Olsen (OvB)

Gielda- ja ođasmahttinministtar
Monica Mæland (O)

Dearvvašvuođaministtar
Bent Høie (O)

Olgoriikaministtar
Ine Eriksen Søreide (O)

Justiisa-, gearggusvuođa- ja sisafárrenministtar
Sylvi Listhaug (OvB)

Ealáhusministtar
Torbjørn Røe Isaksen (O)

Guolástusministtar
Per Sandberg (OvB)

Bargo- ja sosiálaministtar
Anniken Hauglie (O)

Mánáid- ja dásseárvoministtar
Linda Cathrine Hofstad Helleland (O)

Eanandoallo-  ja biebmoministtar
Jon Georg Dale (OvB)

Suodjalusministtar
Frank Bakke-Jensen (O)

Oljo- ja energiijaministtar
Terje Søviknes (OvB)

Vuorrasiid- ja álbmotdearvvašvuođaministtar
Åse Michaelsen (OvB)

Dálkkádat- ja birasministtar
Ola Elvestuen (G)

Ovddidanministtar
Nikolai Eivindssøn Astrup (O)

Dutkan- ja alitoahpu oahpahusministtar
Iselin Nybø (G)

 

Stáhtaministtar giitá searaid ovddas
– Solveig Horne sáhttá muittašit ruovttoluotta ahte njealji jagis lea ollu doaimmahan,  earret eará bargan ođđa vealahanlágain, ođastusbargu dahkan mánáidsuodjalusa ektui ja ráhkadan strategiija mánágeafivuođa eastadeapmái. Mun illudan ain ovttasbargat Solveigain Stuoradikkis, dadjá stáhtaministtar Erna Solberg.

– Vidar Helgesen lea bargiidhoavdan lokten ráđđehusa guhkitáiggi perspektiivva, ja vuosttaš EEO-ministtarin son bijai buori vuođu buorebut ovttastahttit ráđđehusa bargguid EO ja EEO-áššiiguin. Dálkkádat- ja birasgáhttenministtarin son lea oaidnán norgga luoitimat leat unnon, son lei njunnošis oažžume On:s soahpama gieldit plastihkaluoitimiid merrii, ja son lea leamašan dehálažžan čatnat Norgga EO dálkkádatáŋgiruššamii, dadjá Solberg.

– Per-Willy Amundsen lea jođihan justiisadepartemeantta ovtta áigodaga ja lea olu áŋgiruššama bidjan gearggusvuhtii ja earenoamážit bargui čađahit lagaspolitiijaođastusa. Dál son manná ruovttoluotta Stuoradiggái ja boahtá leat dehálaš veahkkin Solberg ráđđehussii.

– Marit Berger Røsland lea leamašan čeahpes stáhtaráđđi Eurohpa-politihkas, vaikke lei dušše oanehisboddii. Son lea maid ovddeš stáhtačállin váikkuhan olgoriikasuorggis - ja son lei áibbas dehálaš olmmoš SMK:s ja Justiisadepartemeanttas báhtareaddjikriisa gieđahallamis, dadjá Solberg.