Stáhtaministtar lea dieđihan luohpancealkámuša

Stáhtaministara luohpancealkámuš čuodjá ná:

“Presideanta, Stuoradiggeválga čakčamánu 13.b.2021, ja šiehtadallamat dan maŋŋil gaskal Bargiidbellodaga ja Guovddášbellodaga, leat mielddisbuktán ahte dál lea parlamentáralaš vuođđu Bargiidbellodahkii ja Guovddášbellodahkii ásahit ođđa ráđđehusa.

Mun háliidan danne stáhtaráđis odne dii. 13.00 geiget luohpanohcamuša ráđđehusa ovddas.”  

Mun rávven Majestehta Gonagasa váldit oktavuođa Bargiidbellodaga jođiheddjiin, Jonas Gahr Støriin, gii lea dien guovtti bellodaga stáhtaministtarkandidáhta ja gearggus vuođđudit ráđđehusa.”

Red:ii:
Odne dii. 15.00 lágida stáhtaministtar preassakonfereanssa luohpanohcamuša ja ráđđehusmolsuma birra, Ráđđehusa ovddastusviesu preassalanjas. Preassa lea rabas sidjiide geain lea dohkálaš ID, ja dat lágiduvvo Riddevoldsgate 2 nammasaš čujuhusas dii. 14.30 rájes.

Otná stáhtaráđđečoahkkima maŋŋil ii šatta preassačoahkkaneapmi Šloahta luhtte. Dat čađahuvvo ráđđehusmolsuma oktavuođas. Govat stáhtaráđđečoahkkimis leat fidnemis gonagaslaš hoavas, NTB bokte mas lea govvenšiehtadus. 

Maŋŋil almmuhat dárkileappot preassadieđáhusa ráđđehusmolsumis.

Preassaoktavuohta lea fágadirektevra Tor Borgersen, telefovdna 90 93 89 87, e-poasta tab@smk.dep.no.