Eanet dienas báhcit davvinorgga fitnodagaide
Historjjálaš arkiiva
Almmustahttináigodat Solberga ráđđehus
Almmustahtti: Gielda- ja ođasmahttindepartemeanta
Preassadieđáhus | Almmustahtton: 12.10.2017
Ráđđehusa ulbmil lea lassánan árvoháhkan davvinorgga fitnodagaide maid vuođđu leat dat ollu resurssat mat leat sin guovlluin. – Davviguovlluidstrategiija čuovvoleami oktavuođas áigu ráđđehus vuoruhit buvttadanovddideami “Badjeleappos árvogeavllis”. Vuoruheapmi álggahuvvui 2017:s ja galgá doaibmat 2020 lohppii. 2018:s lea dasa biddjojuvvon 17 milliuvnna ruvnna.
Leat stuora ovdánanvejolašvuođat davviguovlluin mat mearkkašit olles riikii. Mearrabiebmu, petroleuma, ođasmahtti energiija, fanasjohtolat ja mátkeealáhus leat ahtanušši ealáhusat. Davvi-Norggas lea lassáneapmi stuorat go muđui riikkas, ja leat plánejuvvon stuorit investeremat dohko.
– Ráđđehus háliida ahtanuššiealáhusaid ja vurdojuvvon investeremiid háhkat stuorit váikkuhusaid dáidda guovlluide riikkas. Dáinna vuoruhemiin áigu ráđđehus láhčit dili nu ahte sáhttet ovddidit eanet buvttadanfitnodagat mat nákcejit gilvalit ja eanet bargosajiid ahtanuššiealáhusaide, lohká gieldda- ja ođasmahttinministtar Jan Tore Sanner.
Dát vuoruheapmi golmmain doaimmain galgá oažžut fitnodagaid loktanit bajelebbui árvogeavllis. Doaimmat leat ovttasbargu vuoitit stuorit šiehtadusaid, oktavuođaid huksen gaskal dutkanbirrasiid ja davvinorgga fitnodagaid, ja dasto gelbbolašvuođalokten fitnodagain daid bargguid bokte maid Nordlándda, Romssa ja Finnmárkku fylkkasuohkanat čađahit lassi- ja joatkkaoahpuid ovddidemiid bokte.
Vuoruheapmi boahtá ovdan lagas ovttasbarggu bokte gaskal ráđđehusa, fylkasuohkana, Sámedikki, Innovašuvdna Norga ja Dutkanráđi.
Gieldda- ja ođasmahttindepartemeantta preassatelefuvdna lea: 22 24 25 00