Bálkášiehtadallan maŋiduvvo čakčii
Historjjálaš arkiiva
Almmustahttináigodat Solberga ráđđehus
Almmustahtti: Gielda- ja ođasmahttindepartemeanta
Preassadieđáhus | Almmustahtton: 18.03.2020
Riikasoabaheaddji lea ovttasráđiin njunušfágain Fellesforbunddain ja Norsk Industriain, buot váldoservviin ja stáhtain, mearridan maŋidit álggaheamis dán jagáš tariffasoahpamušaid 2020 čakčii.
Gieldda- ja ođasmahttinministtar Nikolai Astrup oaivvilda ahte lea riekta maŋidit bálkášiehtadallmiid.
-Mis lea dál gáibidahkes dilli riikkas mii sáhttá buktit stuorra váikkuhusaid bargo- ja ealáhus- doaimmaide. Dat lea danin viissis ja rievttes mearrádus maŋidit njunjušfága bálkášiehtadallama, mii maiddái dahká lunddolažžan maŋidit stáhta bálkášiehtadallama. Mii leat šiehttan čoahkkanit stáhta váldoovttastusaiguin dán vahku, ja dalle mii digaštallat mo galgat gieđahallat dili ovddos guvlui, lohká Astrup.
Gieldda -ja ođasmahttindepartemeantta preassatelefovdna: 22 24 25 00