Historjjálaš arkiiva

Ráđđehus evttoha elektronalaččat čoaggit sámediggeválggaid 2021 listaevttohusaid

Historjjálaš arkiiva

Almmustahttináigodat Solberga ráđđehus

Almmustahtti: Gielda- ja ođasmahttindepartemeanta

Sámediggeválggaid listaevttohusaid vuolláičállagiid sáhttá šaddat váttisin sisaaddit fysalaččat covid-19 njoammudávdda geažil. Ráđđehus evttoha danne rievdadit sámelága gaskaboddosaččat nu, ahte sámediggeválggaid 2021 listaevttohusaid vuolláičállagat galget sisasáddejuvvot elektronalaččat.

– Dáinna láhkarievdadusain sihkkarastit ahte listaevttohusaid vuolláičállagat boahtte jagi sámediggeválggaide sisasáddejuvvojit dorvvolaš ja sihkkaris vuogi mielde, ja ahte stuoradiggeválggaid ja sámediggeválggaid listaevttohusat meannuduvvojit dássálaga, dadjá guovllu- ja digitálaministtar Linda Hofstad Helleland.

Stuoradiggi mearridii ovdalis dán jagi rievdadit válgalága, mii addá vejolašvuođa čoaggit  2021 stuoradiggeválggaid listaevttohusaid vuolláičállagiid elektronalaččat.  

– Vaikko dilli lea gáibideaddji, de galget válggat čađahuvvot nu go dábálaččat. Láhkarievdadus mearkkaša ahte šaddá álkibun čoaggit vuolláičállagiid sis geat háliidit searvat válggaide ja vuhtiiváldit njoammunsuodjaleami, dadjá Helleland.  

Válgadirektoráhta ovddasvástádus lea ovddidit digitála čovdosa mii dahká vejolažžan čoaggit  vuolláičállagiid. Digitála čoavddus galgá jorgaluvvot sihke davvisámegillii, julevsámegilli ja lullisámegillii. 

Gielda- ja ođasmahttindepartemeantta preassatelefovdna: 22 24 25 00.