Historjjálaš arkiiva

Njuolggadusat čavgejuvvojit dorvoohcciid ektui

Historjjálaš arkiiva

Almmustahttináigodat Solberga ráđđehus

Almmustahtti: Justiisa- ja gearggusvuođadepartemeanta

Dorvoohcciid lassáneami hálddašeami várás árvaluvvo ahte Justiisa- ja gearggusvuođadepartemeanta galgá Olgoriikalávdegoddái beassat mearridit oppalaš njuolggadusaid áššemeannudeapmái, ja nu ahte politiijaoažžu eanet válddi interneret dorvoohcciid jos orru nu ahte sii sáddejuvvojit ruovttoluotta oadjebas goalmmátriikii.

– Árvaluvvon láhkarievdadusaid bokte lea vejolaš johtileappot sáddet dakkár  dorvoohcciid geat Ruoššas leat ássan ruovttoluotta Ruššii, cealká justiisa- ja gearggusvuođaministtar Anders Anundsen (FrP) ja čujuha daid ollu dorvoohcciide geat leat boahtán Storskog bokte. 

Lea dehálaš fuolahit ahte sii geat leat ássan oadjebas goalmmátriikkas, sáddejuvvojit ruovttoluotta dohko. Norga oaidná Ruošša oadjebas riikan.

– Láhkarievdadusat mielddisbuktet ahte olgoriikaeiseválddit ožžot stuorit válddi biehttalit meannudeamis dorvoohcci ohcamuša jos dorvoohcci ovdal lea ássan oadjebas goalmmátriikkas, dadjá stáhtaráđđi. 

Justiisa- ja gearggusvuođadepartemeanta árvala ahte galgá leat vejolaš duoguštit dahje bidjat giddagassii dahje gáibidit dieđihangeatnegasvuođa ja  ássanbáikki čujuhusa dakkár oktavuođain goas dorvoohcci ohcan jáhkkimis ii meannuduvvo.

– Mii árvalat maiddái rievdadusa mii dahká vejolažžan mearridit ahte dorvoohccit galget sáddejuvvot olggos Norggas oanehat áiggis go dábálaččat, dahje sáddet ruovttoluotta dakkaviđe.  Ruovttoluottasádden čađahuvvo dalle jođáneappot,  dadjá Anundsen.

Olgoriikasuorggi politihkalaš stivrejumi sihkkarastima várás dán erenoamáš dilis, árvaluvvo ahte departemeanta maid galgá sáhttit bagadit Olgoriikalávdegotti áššiid árvvoštallamis ja láhkadulkomis olgoriikalága vuođul.

– Dat addá vejolašvuođa áššiid johtileappot čielggadit mat gusket láhkamearrádusaid ipmárdussii ja čađaheapmái. Dálá dilis lea dárbu johtilit álggahit doaimmaid dan sivas go oaidnit mii máilmmis muđui dáhpáhuvvá, dahje dan geažil go politihkka eará riikkain rievdá, dadjá stáhtaráđđi.

Dál lea dušše Olgoriikadirektoráhtta (ODI) maid sáhttit bagadit dáinna vugiin. Departemeanta ii sáhte ODI dahje UNE bagadit das mo ovttaskas áššiid galgá mearridit.

Prop. 16 L (2015–2016) - Endringer i utlendingsloven (innstramninger)