Juryortnet heaittihuvvo ođđajagis
Historjjálaš arkiiva
Almmustahttináigodat Solberga ráđđehus
Almmustahtti: Justiisa- ja gearggusvuođadepartemeanta
Preassadieđáhus | Nr: 103 – 2017 | Almmustahtton: 12.10.2017 | Maŋimuš ođasmahttojuvvon: 19.10.2017
Juryortnet heaittihuvvo ođđajagimánu 1.b.2018. Dan mearridii stáhtaráđđi odne.
– Ráđđehus lea bargan dan ovdii ahte heaittihit juryortnega nu johtilit go vejolaš. Danne leat ge ilus go ortnet heaittihuvvo juo ođđajagis, dadjá justiisa- ja gearggusvuođaministtar Per-Willy Amundsen (OB).
Lágamánnerievtti čoahkkádus rievdaduvvo. Juryortnega sadjái ásahuvvo mielduopmárdiggi mas leat mielde guokte fágaduopmára ja vihtta veahkkeduopmára.
–Veahkkeduopmárdoaibma lea hirbmat buorre, muhto dan lea dárbu nannet buorebut. Dál mii oažžut beaktileappo vuogádaga mii áimmahuššá duopmostuolu resurssaid ja dat galgá maid vuđolaččat guorahallat sivalašvuođagažaldatmearrádusaid buot áššiin, cealká Amundsen.
Gaskaboddosaš njuolggadusat leat mearriduvvon muddet joatki ráŋggáštusáššiid. Áššit mat lágamánneriektái guoddaluvvojit ovdal ođđajagimánu 1.b.2018 čuvvot ovddeš ortnega, ja guoddaleamit dan maŋŋá meannuduvvojit ođđa mearrádusaid vuođul. Juovlamánu 31.b. 2018 maŋŋá meannuduvvojit buot guoddaleamit mielduopmárdikkis.