Evttoha guhkidit boarásmuvvanáigemeriid
Historjjálaš arkiiva
Almmustahttináigodat Solberga ráđđehus
Almmustahtti: Justiisa- ja gearggusvuođadepartemeanta
Preassadieđáhus | Nr: 59 – 2020 | Almmustahtton: 03.04.2020 | Maŋimuš ođasmahttojuvvon: 15.04.2020
Ráđđehus evttoha guhkidit dahje hoigadit áiggi dáfus ovddos guvlui boarásmuv- vanáigemeari muhtun áššiin, sihkkarastin dihte vejolašvuođa dutkat daid áššiid ovdal boarásmuvvet.
– Mii leat oaidnán ollu dilálašvuođain lea dárbu sáhttit dutkat rihkolaš dilálašvuođaid ja ahte vearrodahkki ferte váldit ovddasvástádusa daguid ovddas máŋga jagi maŋŋel vearrodagu, ja ahte dakkár dárbu lea muhtomin dehálabbot go loahpahit ášši, lohká justis- ja gearggusvuođaministtar Monica Mæland (O).
Evttohusat gusket boarásmuvvanáigemeari ovddasguvlui hoigadeapmái áššiin go lea seksuálalaš dahku leamaš mánáiguin geat leat vuollel 16 jagi, ja áššiide main lea váilevaš hehtten daguin mat fátmmastuvvojit ráŋggáštuslágas §§ 282 illasteapmi lagas relašuvnnain, 284 birračuohpahus, 299 rihpan mánáin geat leat vuollel 14 jagi ja 303 roavva seksuálalaš ovttastallan j.e. mánáiguin gaskkal 14 - 16 jagi. Boarásmuvvanáigemeari ovddos guvlui hoigadeapmi mielddisbuktá ahte áigemearri álgá easka go mánná deavdá 18 jagi. Guhkiduvvon boarásmuvvanáigemearri - guovtti jagis viđa jagi rádjái - lea maiddai evttohuvvon áššiide main lea čájehan seksuálalaš loavkašuhtti dahje eará lágan heabohis láhttema mánáid vuostá geat leat vuollel 16 jagi.
– Mánáin ja nuorain lea erenoamáš dárbu suodjalussii. Muhtun háviid sii eai muital veahkaválddálašvuođaid birra maid leat vásihan ovdal leat ollesolbmot. Ii leat dohkálaš ahte ráŋggáštusovddasvástádus boarásmuvvá guokte jagi maŋŋel, lohká Mæland.
Evttohuvvo maiddai ahte roavva illasteami ja roavva baggojávkan láhkarihkkumat eai galgga boarásmuvvat jus jápminášši lea mielde árvvoštallamis man roavis láhkarihkkun lei. Dasa lassin evttohuvvo muhtun háviid spiehkasteapmi dubmejuvvon ráŋggáštusaid boarásmuvvamiidda.