Historjjálaš arkiiva

-Hámmarfeasta lea buorre ovdamearka

Historjjálaš arkiiva

Almmustahttináigodat Solberga ráđđehus

Almmustahtti: Oljo- ja energiijadepartemeanta

Oljo- ja energiijaministtar Tord Lien galledii vuossárgga Hámmarfeastta. Stáhtaráđđi finai maid Muolkkut ja Polarbase LNG-rusttegiid geahččamin. Son galledii maid Hámmarfeastta joatkkaskuvlla.

   
Oljo- ja energiijaministtar Tord Lien galledii vuossárgga Hámmarfeastta. Stáhtaráđđi finai maid Muolkkut ja Polarbase LNG-rusttegiid geahččamin.  Son galledii maid Hámmarfeastta joatkkaskuvlla.

-Oljo- ja gássaindustriija lea guhká juo doaibman Davvi-Norggas, ja mii oaidnit das leat positiiva váikkuhusat nannámis. Hámmarfeasta lea buorre ovdamearka.  Olmmošlohku lassána ja ealáhuseallin maid, ja dat lea dan geažil go doaimmat meara alde lassánit, cealká oljo- ja energiijaministtar Tord Lien.

Muolkkuin beasai stáhtaráđđi oahpásmuvvat movt Snøhvit gássabohkanguovlu jođihuvvo, ja petrovladoaimmat Davvi-Norggas. 

Nuorra báikkálaš bargit muitaledje movt sii Muolkkut geažil leat ožžon miellagiddevaš barggu lagašguovllus.

 Hámmarfeastta joatkkaskuvla lea nubbin stuorimus fylkkas, ja energiijaovddideapmi lea skuvlla okta vuoruhansuorgi. Dan geažil lea skuvllas lagas ovttasbargu petrovlaealáhusain.

Stáhtaráđđi beasai maid oahpásmuvvat Polarbase fitnodagain Hámmarfeastta gávpoga olggobealde. Dat lea dehálaš lágidanfitnodat mii lea stuora ávkin petrovladoaimmaide meara alde.. 

Oljo- ja energiijaministtar Tord Lien Muolkkuin, Nora Iselin Trøftenhagen (gurotravddas), sátnejođiheaddji Alf. E. Jacobsen ja Franz Møller. (Govven: EBM/OED)

Oljo- ja energiijaministtar Tord Lien galledii maid Hámmarfeastta joatkkaskuvlla otne. (Govven: EBM/OED)