Rabai Rággoduoddara bieggafápmopárkka
Historjjálaš arkiiva
Almmustahttináigodat Solberga ráđđehus
Almmustahtti: Oljo- ja energiijadepartemeanta
Ođas | Almmustahtton: 06.12.2014
Stáhtačálli Kåre Fostervold rabai duorastaga Rággoduoddara bieggafápmopárkka vuosttas oasi Bearalvágis Finnmárkkus. Rusttega fápmosturrodat šaddá 45 megawatt (MW).
-Dát bieggafápmorusttet lea hirbmat dehálaš Varangerkraft fitnodahkii, ja go dat lea áibbas gárvvis de lassána Varangerkraft energiijabuvttadeapmi 40 proseanttain. Seammás lea mearkkašahtti ahte fitnodat lea nagodan bures gulahallat eará beroštumiiguin dán guovllus, nu ahte olles báikegoddi doarju prošeavtta. Mun háliidivččen ahte dát prošeakta livčče buorre ovdamearka earáide geat háliidit hukset bieggamilluid Norggas, cealká stáhtačálli Kåre Fostervold.
Dál álggos leat huksen 15 turbiinna maid Siemens lea ráhkadan, ja meroštallojuvvon máksit sullii 600 miljovnna kruvnnu. Turbiidnatoartnat leat 80 mehtera alu ja čađamihttu lea 101 mehtera.
Kåre Fostervold rahpamin Rággoduoddara bieggafápmopárkka (govven: HSI/OED).
(Govven: HSI/OED)