Historjjálaš arkiiva

Norga válljejuvvon Luonddupanela stivrii

Historjjálaš arkiiva

Almmustahttináigodat Regjeringen Stoltenberg II

Almmustahtti: Birasgáhttendepartemeanta

Ivar A. Baste, Luondduhálddašandirektoráhtas, dán vahkkoloahpa válljejuvvui Riikkaidgaskasaš biologalaš šláddjivuođa ja ekovuogádatbálvalusaid Luonddupanelii. Bastes lea nanu riikkaidgaskasaš ja riikasis vásáhus, son lea earret eará ovddidan ja čađahan ON birasprográmma dieđalaš birasguorahallamiid.

Ivar A. Baste, Luondduhálddašandirektoráhtas, dán vahkkoloahpa válljejuvvui Riikkaidgaskasaš biologalaš šláddjivuođa ja ekovuogádatbálvalusaid Luonddupanelii. Bastes lea nanu riikkaidgaskasaš ja riikasis vásáhus, son lea earret eará ovddidan ja čađahan ON birasprográmma dieđalaš birasguorahallamiid.

Vuosttaš čoahkkin Luonddupanelas lágiduvvui ođđajagimánu 21.b-26.b.Bonn gávpogis. ON birasprográmma ásahii Luonddupanela 2012 cuoŋománus, iešráđálaš orgánan. Luonddupanela galgá nannet ovttasdoaibmama gaskal dutkama ja hálddašeami ja galgá veahkkin hehtteme biologalaš šláddjivuođa manahemiid ja ekovuogádatbálvalusaid goarideami.
-Lean hui duhtavaš go Luonddupanela dál lea álggahan iežas barggu, ja ahte Norga lea ožžon luohttámuša álggaheamis veahkehit panela. Luonddupanela sáhttá luonddušláddjivuhtii šaddat dat mii dálkkádatpanela lea dálkkádatáššiide. Panela boahttevuođa bargguide mun háliidan čohkket norgga máhttobirrasiid, dadjá birasgáhttenministtar Bård Vegar Solhjell.
Dr. Abdul Hamid Zakri Malaysias eret válljejuvvui panela jođiheaddjin. Dr. Zakri lea dieđalaš ráđđeaddi Malaysia ráđđehussii. Sus lea viiddis vásáhus riikasis ja riikkaidgaskasaš bargguin biodiversitehtain, ja son lea earret eará jođihan Millennium Ecosystem Assessment (2005) ja biologalaš šláddjivuođa konvenšuvnna dieđalaš lávdegotti.


Panela fáttát
Luonddupanela bargoprográmma galgá dohkkehuvvot dán jagi loahpas. Bargoprográmma galgá hábmejuvvot riikkaid ja riikkaidgaskasaš birasšiehtadusaid ja organisašuvnnaid dárbbuid ja sávaldagaid vuođul. Dieđalašjoavku galgá árvvoštallat makkár fáttáid maiguin lea eanemus hohpolaš bargagoahtit, dasa lassin ovddidit plána Luonddupanela vuosttaš globála guorahallamii. Muhtun fáttát mat juo leat bajiduvvon ovdan leat pollineren, áhpesuvrudeapmi, eanaviidodagaid goarideapmi ja dárbu nannet máhtu biologalaš šláddjivuođa ja eanangullevaš ekovuogádatbálvalusaid birra.
Doaibmi ja nanu ekovuogádagat leat hui dehálaččat buot riikkaid birgenvuđđui. Danin lea guovddážis panela barggus ahte fágasuorggit ovddasguvlui servet bargui.

Luonddupanela riikkaidgaskasaš neahttasiidu