Birasgáhttendepartemeanta lea mearridan albbasbivdui bivdoeriid

Birasgáhttendepartemeanta lea dál meannudan guđa fuođđoguovlluid albbasbivddu bivdoeriid váidagiid. Earrebivdu álggahuvvo guovvamánu 1. beaivvi.

Earret guovllu 1 (oarje-Norgga) fuođđolávdegotti mearrádus, gos lea earehis albbasbivdu, de leat eará fuođđolávdegottiid mearrádusat guoddaluvvon. Golmma hálddašanguovlluin departemeanta doalaha mearrádusaid ollásit. 4. guovllus (Oslo, Akershus ja Østfold) bisuhuvvo bivdoearri man mielde ožžot bivdit 6 albasa, dain 2 rávis njiŋŋelasa. 5. guovllus (Hedemárkkus) bisuhuvvo 5 albasa sturrosaš bivdoearri main leat golbma rávis njiŋŋelasa. 7. guovllus (Nordlánddas) bisuhuvvo 6 albasa sturrosaš bivdoearri main leat guokte rávis njiŋŋelasa.
2. guovllus (Buskerud, Telemark, Vestfold ja Aust-Agderis) bisuhuvvo lávdegotti oppalaš bivdoearri mas ledje 35 albasa ja dain 9 rávis njiŋŋelasa. Dán earis juhkkojuvvojit 30 albasa, main leat 8 rávis njiŋŋelasa, bivdoáiggi álggaheapmái. Departemeanta lea bidjen eavttuid ahte liigeearri dušše sáhttá juhkkojuvvot jus Návdediehtočoakkáldat (Rovdata) gaskaboddosaš albbaslogu árvvoštallan veadjehahttá ahte guovllu albbaslogu mihttu olahuvvo maŋŋil dán jagi čivgama. Eará ládje juohkit bivdoeari earrebivddu vuolde ii dohkkehuvvo.
3. guovllus (Opplandas) lasiha departemeanta njiŋŋelasealli eari guovtti eallis golmma eallái. Departemeanta atná dán dohkálažžan go galgá olahit mihttomeari ahte albbasnálli galgá lea nu lahka mearriduvvon albbaslogu go vejolaš.
Departemeanta lea váidagiid meannudeami oktavuođas geahpidan eari 6. guovllus (Gaska-Norggas) albasa čivganmihttomeriid mielde viđa elliin, nu ahte bivdoearri šaddá leat 33 albasa main leat 2 njiŋŋelas ealli. Njealji bivdoguovlluin, main ii leat čivganmihttomearri de njiŋŋelasearri ii leat gustovaš. Earri bivdit albasiid ii mieđihuvvo guovlluide Lulli-Trøndelagas ja Møre ja Romsdalas maidda lea mearriduvvon čivganmihttomearri. Daid guovlluin gos ii leat čivganmihttomearri lea lávdegotti mearrádus bisuhuvvon. Liigeearri ii juolluduvvo.
Fuođđolávdegotti albasiid earrebivddu mearrádus 8. guovllus (Romssas ja Finnmárkkus) lea váidojuvvon, ja dan lea departemeanta dál meannudeamen.
Riikkadásis lea albbasnáli sturrodaga mihttomearri lea ahte jahkásaččat galget leat 65 albasa bearášjoavkkut. Albbasnálli lei buot stuorimus jagi 2009 go ledje 92 bearášjoavkku. Maŋŋil alla bivdomuddema olis de lea albbasnálli sturrodat geahpiduvvon vai elliidlogu mihtu galgat joksat, ja maŋimus elliidlogu registreremat duođaštit ahte ovdal 2012 bivddu ledje riikkas 69 albbas bearášjoavkkut.

http://www.rovviltportalen.no/

2. guovllu mearrádus
3. guovllu mearrádus
4. guovllu mearrádus
5. guovllu mearrádus
6. guovllu mearrádus
7. guovllu mearrádus
8. guovllu mearrádus