Aktiver Javascript i din nettleser for en bedre opplevelse på regjeringen.no

Historjjálaš arkiiva

Galget geahčadit njuolggadusaid bákkoheami birra

Historjjálaš arkiiva

Almmustahttináigodat Regjeringen Stoltenberg II

Almmustahtti: Dearvvašvuođa- ja fuolahusdepartemeanta

Ráđđehus lea odne nammadan lávdegotti mii galgá čielggadit njuolggadusaid bággema birra psyhkalaš dearvvašvuođasuodjalusas. – Mii háliidit geahpedit bággogeavaheami ja buoridit dan go dan lea dárbu geavahit. Lávdegoddi oažžu dehálaš doaimma dan barggus, cealká dearvvašvuođa- ja fuolahusministtar Anne Grete Strøm-Erichsen.

Ráđđehus lea odne nammadan lávdegotti mii galgá čielggadit njuolggadusaid bággema birra psyhkalaš dearvvašvuođasuodjalusas. – Mii háliidit geahpedit bággogeavaheami ja buoridit dan go dan lea dárbu geavahit. Lávdegoddi oažžu dehálaš doaimma dan barggus, cealká dearvvašvuođa- ja fuolahusministtar Anne Grete Strøm-Erichsen.

Advokáhta Kari Paulsrud galgá jođihit lávdegotti. Dat galgá geiget almmolaš čielggadeami ovdalgo jahki lea vássán. 

Lávdegotti čoahkádus lea viiddis ja das leat lahtut geain lea juridihklaš, dearvvašvuođafágalaš, politiijalaš, geavaheaddji- ja oapmehašduogáš. Dat galgá geahčadit etihkalaš, fágalaš ja rievttálaš beliid dain njuolggadusain ja dan geavadis mat odne leat bákkoheami birra psyhkalaš dearvvašvuođasuodjalusas. 

Psyhkalaš dearvvašvuođasuodjaluslága, pasieantavuoigatvuođalága mieđihanmearrádusaid ja olmmošvuoigatvuođaid oktavuohta galgá leat guovdil dán barggus. 

Lávdegoddi bargamuš lea earret eará árvvoštallat eavttuid psyhkalaš dearvvašvuođasuodjalusas geavahit bákku, bákkuin álggahit dikšuma (ja maiddái bákkuin dálkkastit) ja geavahit bággenávdnasiid. Dárkkistanortnegiid mat leat bággomearrádusaid ođđasis árvvoštallama várás, galget maiddái geahčaduvvot. 

Dakkár deasttat go oktagasa vuoigatvuohta ieš mearridit ja servodaga ovddasvástádus suodjalit ja veahkehit olbmuid hearkkes diliin sáhttet šaddat vuostálagaid. Danne lea dárbu árvvoštallat gokko guđege deastta vuhtiiváldinráját galget leat.

Bággogeavaheami geográfalaš erohusaid geažil berre maiddái čađahit guorahallama. 
 
Čuovvovaš lahtut nammaduvvojit lávdegoddái mii galgá čielggadit njuolggadusaid bággema ja sullasaš áššiid birra psyhkalaš dearvvašvuođasuodjalusas
Advokáhta Kari Paulsrud, jođiheaddji ja lahttu, Oslo
Advokáhta Marius Emberland - Oslo
Advokáhta Mette Yvonne Larsen - Nesodden
Vuosttašamanueansa Bjørn Henning Østenstad - Fjell
Advokáhta Tor Kolden - Lillehammer
Ossodathoavda Trond Fjetland Aarre - Eid
Ossodatbajimusdoavttir Marit Bjartveit Krüger - Oslo
Psyhkiáhtralaš buohcciiddivššár Unn Hammervold - Stavanger
Dábálašdoavttir Harald Sunde - Mátta-Várjjat/Sør-Varanger
Psykologa Nadia Ansar - Oslo
Leder Ståle Luther -Tromsø
Børre Oscar Bilset Gundersen - Porsgrunn
Anne Grete Klunderud – Øvre Eiker
Ingunn Sætervadet -Bærum
Hege Orefellen - Vestby