Boazodoallošiehtadus 2007-2008
Historjjálaš arkiiva
Almmustahttináigodat Regjeringen Stoltenberg II
Almmustahtti: Eanandoallo- ja biebmodepartemeanta
Ođas | Almmustahtton: 14.02.2007
Boazodoallu: Norgga Boazosápmelaččaid Riikasearvi (NBR) ja Stáhta leat odne soabadan ođđa boazodoallošiehtadusain áigodagas 01.07.2007-30.06.2008. Šiehtadusa sisdoallu lea ekonomalaš doaibmabijut oktiibuot 97,0 mill kr ovddas, earret radioaktivitehta doaibmabijuid. Dat lea 4,5 mill kr eambbo go dán jagi šiehtadus.
Boazodoallu: Norgga Boazosápmelaččaid Riikasearvi (NBR) ja Stáhta leat odne soabadan ođđa boazodoallošiehtadusain áigodagas 01.07.2007-30.06.2008. Šiehtadusa sisdoallu lea ekonomalaš doaibmabijut oktiibuot 97,0 mill kr ovddas, earret radioaktivitehta doaibmabijuid. Dat lea 4,5 mill kr eambbo go dán jagi šiehtadus.
Eambbo njuovvan ja buvttadeapmi
-Go šiehtadusas leat joatkkan doarjagiid mat leat čadnon buvttadeapmái, de lea láhččojuvvon dilli nu ahte lea vejolašvuohta eambbo njuovvat ja bajidit buvttadeami, mii fas addá eaŋkil boazobargái oadjebasvuođa boahtteáigái, dadjá eanandoallo- ja biebmoministtar Terje Riis-Johansen.
Boazodoalu ovdánahttinfoanda lea nannejuvvon nu ahte dál lea buoret vejolašvuohta dustet hástalusaid mat leat ealáhusas go guoská infrastruktuvrii. – Dat doaibmabijut mat dál leat šihttojuvvon duođaštit dan vuoruheami mii lea leamaš boazodoallošiehtadusas maŋemus jagiid, namalassii eambbo fokus dasa ahte boazodoallu galgá ealáhussan ja maiddái láhčit dili buorebut sidjiide geain lea boazodoallu váldoealáhussan, dadjá Riis-Johansen. Boazodoallošiehtadusa 2007/2008 deaŧaleamos mihtut leat láhčit dili nu ahte bohccobiergu vuvdojuvvo eambbo, ja movttidahttit ealáhusa eanemus lági mielde njuovvat ja nu doalahit árvoháhkama badjin dihto rámmaid siskobealde.
Boazodoallu: Ođđa boazodoallošiehtadus 2007/2008 lea šihttojuvvon. Šiehtadusa rámma lea 97 mill kruvnno, mii lea 4,5 mill kr lassáneapmi otná šiehtadusa ektui.