Bohccobiergojohtu miehtá jagi

Bohccobiergu ii leat dušše dálveborramuš. Eanet iešguđetlágan biergobuktagat oktan fáláldagaiguin ja áŋggirdemiiguin leat váikkuhan ahte biergojohtu lea sakka lassánan maiddái geassemánuid.

• Loga olles ášši Newswire siidduin

Diibmá leai 40 tonna bohccobiergu galmmihanrusttegiin, ja dasa lassin njuvvojedje eanet bohccot go dábálaš dálvit ja giđđat.

-Biergu jávkkihii johtilit. Dálvit ja beassážiid áiggi ledje eanet go goassige ovdal geat besse návddašit biergocábahasaid. Geassit vásiheimmet ahte johtu leai alimusas, lihkus go gávppit dalle vuoruhedje márffiid ja biergogáhkuid/karbonádaid ráhkaduvvon bohccobierggus. Jos leat galbma geasit, de lassána bohccobiergojohtu hirbmadit. Dan leat vásihan daid maŋimuš jagiid, cealká John Anders Lifjell, Bohccobierggu márkanlávdegotti jođiheaddji.

Gaskamearalaš njuovvanlohku maŋimuš jagiid lea leamaš badjelaš 80 000 bohcco ja gaskamearalaš deaddu lea sullii 20 kilo.

Sámi álbmotbeaivi
Guovvamánu 6.beaivvi lea Sámi álbmotbeaivi.  Bohccobiergu lea guovddážis sámi kultuvrra oktavuođas, ja dán jagi dát čalmmustahttojuvvo Mathallenis Oslos.

Miehtá riikka leat olbmot sádden borramušrávvagiid maid bohccobierggus sáhttá ráhkadit, ja dát galget ráhkaduvvot ja guossohuvvot Mathallen Gávpeguovddážis. Eanandoallo- ja biebmoministtar Trygve Slagsvold Vedum juohká bálkkašumi buoremus borramuša ráhkadeaddjái.

• Loga olles ášši Bohccobiergu Mathallenis guovvamánu 6.beaivvi.

Bohccobiergofitnodagat Mathallenis

Čuovvovaš fitnodagat servet gaskavahku guovvamánu 6.beaivvi ja miehtá vahku Mathallen gávpeguovddážii.

• Varanger Vilt AS
• Arctic Rein og Vilt AS
• Stensaas Reinsdyrslakteri AS
• Fjellvilt AS
• Davvi Siida AS

• Árbevirolaš ja trendy bohccobiergu – olles ášši Matprat siidduin.