Bohccobiergu guossohuvvui Mathallenis

Historjjálaš arkiiva

Almmustahttináigodat Regjeringen Stoltenberg II

Almmustahtti: Eanandoallo- ja biebmodepartemeanta

Ođas | Almmustahtton: 11.02.2013

Sámi álbmotbeaivvi, guovvamánu 6.b. lei Mathallen Oslos deaivvadanbáiki gos olbmot besse deaivvadit boazodoaluin ja bohccobiergosurggiin, ja smáhket iešguđetlágan bohccobiergobuktagiid.

Diibmu 12 rájes ledje duoljit biddjon sadjái, vuovdinbuvrrit monterejuvvon ja goahkat ledje olles leahtuin bargame.

Buoremus reahtta bohccobierggu vuođul
Okta dain stuorámus dáhpáhusain lei buoremus reahta válljen, mii bohccobierggu vuođul lea ráhkaduvvon. Olles ođđajagimánu leat sii geat háliidit šaddat goahkkan ja profešunealla goahkat ráhkadan bohccoreahtaid ja sádden daid gilvui maid Mathallen lea lágidan. Finálii ledje válljejuvvon golbma finalistta:

Anne Merete Langeland reahtain Fjellrosa.
Christian Tikkanen, Suoma Ambassáda gievkkanhoavda, reahtain Butterdeigsbakt reinsdyrfilet.
Jan Ivar Nykvist, Stangeriet rámburhoavda, reahtain Lihkku Beivviin (gratulere med dagen).

Gilvvu vuittii Anne Merete Langeland reahtain Fjellrosa.

Vinner av konkurransen Anne Merete Langeland og landbruks- og matminister Trygve Slagsvold Vedum under prisutdelingen.

Gilvovuoiti Anne Merete Langeland ja eanandoallo- ja biebmoministtar Trygve Slagsvold Vedum vuoitojuohkimis. (Govven: EBD)

Vinner Anne Merete Langeland med retten Fjellrosa

Vuoiti Anne Merete Langeland reahtain Fjellrosa (Govven: Mathallen Oslos)

- Lei váttis válljet, muhto sáhtán muitalastit ahte Fjellrosa lei mu oiddot ja dat attii munnje buoremus máistovásáhusa. Reahtta lei hui bures oktii heivehuvvon, ja mu mielas reahtta oaččui ovdan visot bohccobierggu kvalitehtaid, dadjá eanandoallo- ja biebmoministtar Trygve Slagsvold Vedum.

Kulinarisk Akademi ráhkadii biepmuid, ja jurys ledje mielde eanandoallo- ja biebmoministtar Trygve Slagsvold Vedum, Norgga boazosápmelaččaid riikkasearvvi jođiheaddji, Nils Henrik Sara, váldoorganisašuvnna Virke mátkeealáhus- ja kulturdirektevra, Hilde Solheim, Matprata Anette Fjelleng Hansen ja Mathallena iežas márkanhoavda Frode Rønne Malmo.

Juryen besto av, fra venstre: Norske reindriftsamers landsforbund sin leder, Nils Henrik Sara, direktør for reiseliv og kultur i hovedorganisasjonen Virke, Hilde Solheim, landbruks- og matminister Trygve Slagsvold Vedum, Anette Fjelleng Hansen fra Matprat og Mathallens egen markedssjef Frode Rønne Malmo.

Jurys ledje mielde, gurut bealde: Norgga boazosápmelaččaid riikkasearvvi jođiheaddji, Nils Henrik Sara, Váldoorganisašuvnna Virke mátkeealáhus- ja kulturdirektevra, Hilde Solheim, eanandoallo- ja biebmoministtar Trygve Slagsvold Vedum, Matprata Anette Fjelleng Hansen ja Mathallena iežas márkanhoavda Rønne Malmo. (Govven: EBD)

Musikálalaš mátki boazodollui
Beaivi loahpahuvvui Maria Helene Fjellheim Mortenssona kultuvrralaš ovdanbuktimiin. Lullisámi kultuvra lea vuođđun Marja musihkkii, ja ovdanbuktimiin olbmot vásihit musikálalaš mátkki boazodollui. Vaikko Marja lávlu lulli- sámegillii, son liikká nagoda gaskkustit iežas sága nu lágiid ahte olbmuide bázii millii vásihus maid eai vajálduhte buori áigái.

Landbruks- og matminister Trygve Slagsvold Vedum i prat med utstillere.

Eanandoallo- ja biebmoministtar Trygve Slagsvold Vedum humadeame čájeheddjiiguin Unni Fjellheim, Fjellvilt. (Govven: EBD)

Bohccobierggu márkanlávdegoddi lea láigohan Mathallen šilju olles vahkkui, nu ahte olbmuin lea ain vejolašvuohta smáhket iešguđetlágan ja eksohtalaš bohccobiergobuktagiid.

Mathallen Oslo, Vulkan
Maridalsveien 17