Stáhta fállá 106 miljovnna ruvnno boazodollui
Historjjálaš arkiiva
Almmustahttináigodat Regjeringen Stoltenberg II
Almmustahtti: Eanandoallo- ja biebmodepartemeanta
Ođas | Almmustahtton: 08.02.2013
Stáhta šiehtadallanlávdegoddi lea odne ovdanbidjan fálaldaga boazodoallošiehtadusa šiehtadallamiidda. Stáhta šiehtadallanlávdegoddi evttoha rámma mii lea 106 miljovnna ruvnno. Dát lea 1,5 miljovnna ruvnno lassáneapmi buohtastahttojuvvon dálá šiehtadusain.
Stáhta šiehtadallanlávdegoddi lea odne ovdanbidjan fálaldaga boazodoallošiehtadusa šiehtadallamiidda. Stáhta šiehtadallanlávdegoddi evttoha rámma mii lea 106 miljovnna ruvnno. Dát lea 1,5 miljovnna ruvnno lassáneapmi buohtastahttojuvvon dálá šiehtadusain.
Boazodoallošiehtadusa 2013/2014 fálaldagas čujuhuvvo dasa ahte geavahannjuolggadusaid čuovvoleapmi gáibida ahte lea dárbu lasihit njuovvanbohccuid logu. Dáinna vuolggasajiin, Stáhta šiehtadallanlávdegotti mielas lea dehálaš ahte earenoamážit vuoruhit doaimmaid mat mielddisbuktet eambbo njuovvamiid ja gálvojođu bohccobierggus. Dán barggus lea dehálaš ahte váikkuhangaskaoamit boazodoallošiehtadusa bokte ovttastahttojuvvojit nu ahte beaktileamos lági mielde joksá mearriduvvon mihtuid. Go fálaldat láhčá dili movttiidahttit boazodoalu márkan váste buvttadeapmái ja árvoháhkamii, de fálaldat lea earenoamážit ásahuvvon boazodolliid váste geain boazodoallu lea váldodoaibman.
Eambbo njuovvan ja gálvojohtu
- Dáinna fálaldagain lea ealáhus ožžon buori vuođu lasihit njuovvama ja gálvojođu bohccobierggus. Eambbo njuovvan lea dehálaš sihke dasa ahte heivehit boazologu guohtuneatnamiidda, doppe gos lohku lea beare badjin ja dasa ahte bohccobiergosuorgi galgá sáhttit leat lágidandoaimmalaš ja dakko bokte sihkkarastit ja ovddidit bohccobierggu posišuvnna márkanis, dadjá Stáhta šiehtadallanjođiheaddji Anne Marie Glosli.
