Nanne importasuodjaleami dihto eanandoallogálvvuin

• Nannejuvvon importasuodji dihto gálvvuide lea mearrideaddjin Norgga biebmogálvobuvttadeapmái
• Dárbbašlaš suodjalit dihto vuosttáid main lea stuorra hivvodat
• Vihtta guđa importavuosttáide ii guoskka proseantaduollu nuppásteapmi
• Ii haddegoargŋun iige geahpiduvvon gálvohivvodat ođđa jagi rájes
• Sadji čađahit gálvooastima ovdáneaddjiriikkain biffa/filéa ođđa importaeriin

Ráđđehus árvala rievdadit ruvdnotuollus proseantatullui biffa/filéa oapmebierggus, sávzabierggus ollesgorudis ja rihtabeales ja čuohppan/njuvdinvuosttáin.

- Lea maiddái seamma lunddolaš ahte nationála dásis guoddit seamma ovddasvástádusa biebmolágádusas go dálkkádagas. Duollovuogádaga rievdadeapmi lea hui dehálaš  Norgga biebmobuvttadeapmái, dadjá eanandoallo- ja biebmoministtar Trygve Slagsvold Vedum.

Eanandoallovuođustuvvon biebmobuvttadeapmi gullá riikka stuorimus ealáhusaide ja gávdno juohke sajis.

- Ráđđehus háliida doalahit ja nannet biebmobuvttadeami Norggas. Duollosuodjaleapmi lea eaktun jus galggaš dan mihttomeari joksat, dadjá Vedum.

Son čujuha dasa ahte dálá duollosuodjaleapmi bistevaš ruvdnoduollomeriin lea dađistaga geahnohuvvan das rájes go WTO-šiehtadus bođii fápmui jagi 1995. Son seammás čielgasit deattuha ahte rievdadeapmi ii leat váigadin iige divrut olgoriika vuosttáid oastima. Vedum deattuha maiddái ahte láhččojuvvo vejolašvuohtan oastit biffaid ja filéaid ovdáneaddji riikkain. Ráđđehus árvala 500 tonna sturrosaš importaeari biffa ja filéa biergguin ovdáneaddji riikkain geahpiduvvon duollomeriin nu movt odne. Dat sihkkarastá dálá gávppašeami ovdáneaddji riikkaiguin ja maiddái vejolaš viiddit gávppašeami čuovvovaš jagiid. Easka go leat oastán 500 tonna sturrosaš bajimus hivvodaga, šaddat máksigoahtit proseantaduollu. 

• Prop. 1 S (2012-2013)

Guokte oktiibuot  14 duollolinjjáin vuosttáide
Rievdadeapmi guoská guokte dain 14 duollo-linjjáin vuosttáide. Dasa lassin leat 14 importavuosttát (geahča tabealla vuolábealde) dain gálvolinjjáin maidda rievdadeapmi ii guoskka. Eará čuohppan/njuvdinvuosttáid sáhttá olgoriikkain oastit EO duollohis eari siskkobealde mii jagi 2012:s lea lassánan 4500 tonnas gitta 7200 tonnii. Árvalus ii mearkkaš rievdadusaid daid konsešuvnnain maid EO lea dohkkehan eanandoallogálvvuid olgoriikkain vuovdimis Norgii. Gávppašeames vuosttáid EO riikkain sáhttá joatkašuvvon seamma olgoriikkas oastima duollomeriin go mii obanassiige juo odne lea. 

Árvalus dávista Norgga gávpepolitihkalaš geatnegasvuođaid. Norga lea miehtan dustet EO-kommišuvnna ekspeartadási čielggadit maid rievdadeapmi proseantadullui mearkkaša. 

- Dát lea buorre gaskaneassoahpamuš mii sihkkarastá ovdáneami Norgga biebmobuvttadeami dehálaš surgiin ja mii maiddái láhče vejolašvuođa vel eanet buoridit biebmošláddjivuođa gávppis, dadjá eanandoallo- ja biebmoministtar Trygve Slagsvold Vedum. 

Tabealla vuolábealde čájeha rievdadusaid duollovuogádagas dihto eanandoallogálvvuin. 

Rievdan proseantadullui dihto eanandoallogálvvuin

Tabealla 6.1 Rievdadeapmi proseantadullui biergogálvvuin

Nr	Gálvošládja	2012 Duollomearri	2013 árvaluvvon duollomearri
02.01	Oapmebiergu, varas dahje čoaskuduvvon.
.3001	- - biffat ja filéat	119,01 kr/kg	344%
02.02	Oapmebiergu, galmmihuvvon
.3001	- - biffat ja filéat	119,01 kr/kg	344%
02.04	Sávzza- ja gáiccabiergu, varas, čoaskuduvvon dahje galmmihuvvon.
.1000	- lábbá ollesgorut dahje rihtabealle, varas dahje čoaskuduvvon	32,49 kr/kg	429%
.3000	- lábbá ollesgorut dahje rihtabealle, galmmihuvvon	32,49 kr/kg	429%

 

Tabealla 6.2 Rievdadeapmi proseantadullui vuosttáin

Nr	Gálvošládja	2012 duollomearri	2013 árvaluvvon duollomearri
04.06	Vuostá ja vuostámássa
	- - muđui:
.90911	- - - eará, pasteuriserekeahtes	27,15 kr/kg	---
.90922	- - - Appenzeller, Beaufort, Comté, Gamle Ole, Grana Padano, Gruyère, Le Vieux Panè, Morbier, Munster, Parmiggiano Reggiano, Queso Manchego, Pecorino, Saint Albray, Västerbotten	---	27,15 kr/kg
.90981	- - - eará, pasteuriserekeahtes	---	277%
.9099	- - - eará	27,15 kr/kg	277%

1) Gálvonummar 04.06.9091 heaittihuvvo, ja sadjái boahtá gálvonummar 04.06.9098.
2) Ođđa gálvonummar. Duollomearri dáid vuosttáin lea 27,15 kr/kg i 2012.
3) Ođđa gálvonummar.