Historjjálaš arkiiva

Báikkálaš šaddadanfápmu ja boahtteáigejáhkku

Historjjálaš arkiiva

Almmustahttináigodat Regjeringen Stoltenberg II

Almmustahtti: Gielda- ja guovlodepartemeanta

Ráđđehus bidjá odne ovdan Lokal vekstkraft og framtidstru nammasaš ođđa stuorradiggedieđáhusa báikegodde- ja regionálapolitihka birra. Dán dieđáhusa váldoulbmil lea buoridit gielddaid ja báikegottiid doaibmanvejolašvuođaid nu ahte báikkálaš šaddadanfámu sáhttá ávkin geavahit, dadjá gieldda- ja guovloministtar Magnhild Meltveit Kleppa.

Ráđđehus bidjá odne ovdan Lokal vekstkraft og framtidstru nammasaš ođđa stuorradiggedieđáhusa báikegodde- ja regionálapolitihka birra. Dán dieđáhusa váldoulbmil lea buoridit gielddaid ja báikegottiid doaibmanvejolašvuođaid nu ahte báikkálaš šaddadanfámu sáhttá ávkin geavahit, dadjá gieldda- ja guovloministtar Magnhild Meltveit Kleppa.

Ráđđehusa ulbmil lea ahte buohkain galgá leat duohta vejolašvuohta ásaiduvvat dohko gosa sii ieža háliidit. Árjjalaš boaittobeallepolitihkka galgá láhčit dilálašvuođaid šaddui ja ovdáneapmái miehtá riikka. Ráđđehus lea dán stuorradiggeáigodagas doaimmahan váikkuheaddji báikegodde- ja regionálapolitihka. Das leat leamaš buorit bohtosat. Ii goassege maŋŋá 1980-logu álggu leat nu ollu boaittobeali gielddain olmmošlohku lassánan.

- Ráđđehusa bealis mii sáhttit ráhkadit viiddis plánaid ja juolludit ruđaid, muhto dušše dat ii iešalddis mielddisbuvtte ahte šaddá buorre báikkálaš servodatovdáneapmi. Oaččohan dihtii áigálii geasuheaddji báikegottiid, de fertejit gielddat ja ássit ieža rahčat árjjalaččat. Šaddadanfápmu boahtá vuollin ii ge badjin. Min doaibmamuš ja áigumuš lea láhčit diliid nu ahte gielddat ja báikkálaš servodagat nákcejit ávkin atnit báikkálaš doaibmanvejolašvuođaid, cealká gieldda- ja guovloministtar Magnhild Meltveit Kleppa.
Fylkkagielddain galgá leat guovdilis rolla dán barggus. 

Máŋga politihkkasuorggi galget nu jođihuvvot ahte dat veahkehit oasálaččaid duostut hástalusaid riikka sierranas osiin. Dat guoská ovdamearkka dihtii gielddaekonomiija nannemii, áŋgiruššamii johtalusain, oahpahussii ja dutkamii, dearvvasvuođabálvalusaide, suodjalanguovlluid hálddašanplánaide, guolástussii, mearradollui ja eanadollui.
 
Dieđáhusas válddahuvvojit máŋga ođđa doaibmabiju ge: 

  • Ođđa ulbmilat govdafierpmádaga hárrái sihkkarastin dihtii dasa stuorát návcca miehtá riikka
  • Prográmma mii galgá nannet gielddaid návcca ja gelbbolašvuođa bargat  báikkálaš servodatovddidemiin
  • Ođđa ealáhusgárdeprográmma jagi 2011 rájes
  • Rávvenortnet nu ahte nuorra ealáhushutkit ožžot veahki ja doarjaga hárjánan rávvejeaddjis
  • Ođđa riikkalaš máhttoprográmma mii galgá geasuhit olbmuid ásaiduvvat gielddaide main olmmošlohku ii ovdán bures

- Dát ráđđehusa dehálaš árvoválljen lea ahte riikka buot ássiin galget leat ovttabuorit vejolašvuođat ja ovttaárvosaš eallindilálašvuođat, cealká gielda- ja guovloministtar.