Ovdasiidu

Historjjálaš arkiiva

2011 Stáhtabušeahtta

Guovlulaš ovdáneapmái Finnmárkkus

Historjjálaš arkiiva

Almmustahttináigodat Regjeringen Stoltenberg II

Almmustahtti: Gielda- ja guovlodepartemeanta

Doarjja guovlulaš ovdáneapmái Finnmárkkus galgá lasihuvvot 134,3 miljovnna ruvnnos jagi 2010:s gitta 137,8 miljovnna ruvnno rádjai jagi 2011:s.

Ođasmahttin 22.10.10:
Ráđđehus árvala juolludit 135,94 miljovnna ruvnno guovlulaš ovdáneapmái Finnmárkkus, iige 137,8 miljovnna nu movt bođii ovdan preassadieđáhusas golggotmánu 5.beaivvi 2010. Duogáš lea rehkenastinteknihkkalaš meattáhus. Rámma mii árvaluvvo fylkkasuohkaniidda lea gaskaboddosaš gitta dassážiigo Stuorradiggi lea meannudan2011 stáhtabušeahta. Loahpalaš rámma almmuhuvvo juolludusreivves man Gielda- ja guovlodepartemeanta sádde fylkkasuohkaniidda ođđajagi álggus.


 
Doarjja guovlulaš ovdáneapmái Finnmárkkus galgá lasihuvvot 134,3 miljovnna ruvnnos jagi 2010:s gitta 137,8 miljovnna ruvnno rádjai jagi 2011:s.

2011 stáhtabušeahtas árvala ráđđehus juolludit sullii 2,8 miljárdda ruvnno bire- ja guovlopolitihka várás. Fylkkasuohkanat galgát hálddašit váile 80 proseanta dáin ruđain.

- Mii bargat oažžumis árvoháhkama, bargosajiid, čálggu ja buori báikegottiid doppe gos olbmot orrot. Fylkkasuohkanat leat guovddážis dán barggus, dadjá gielda- ja guovloministtar Liv Signe Navarsete.

Bire- ja guovlopolitihka bakte háliida ráđđehus láhččet ássama ja árvoháhkama miehta riika.
 
- Ráđđehus áigu láhččet olbmuide vejolašvuođa ásahit ođđa fitnodagaid dahje viidáset ovdánahttit gávdni fitnodagaid. Danin mii 2011:s nannet suohkanlaš ealáhusfoanddaid 50 miljovnna ruvnnuin, 225 miljovnna ruvdnui, lohka Liv Signe Navarsete.

Oppalaš juolludeamis Finnmárkui lea 19,1 miljovnna ruvdno ráddjejuvvon suohkanlaš dahje guovlulaš ealáhusfoanddaide. Ruđat galget veahkehit daid suohkaniid dahje guovlluid gos lea unnán ealáhusdoaibma vai sáhttet doarjut báikkálaš ealáhusovdáneami.

Čujuhus

Liigedieđut

  • 5,3 miljovnna ruvnno oppalaš juolludeamis Finnmárkku fylkkasuohkanii galgá gokčat goluid go servet eurohpalaš territoriála ovttasbargui (Interreg)
  • Maŋŋil jahkemolsuma oažžu fylka maiddái ruđaid govdafierpmádaga huksemii ja eará siskkáldas struktuvrii. Jagi 2010:s oaččui Finnmárku 9,7 miljovnna ruvnno dán ulbmilii.


Gielda- ja guovlodepartemeanta preassatelefovdna: 22 24 25 00.