Ovdasiidu

Historjjálaš arkiiva

2011 Stáhtabušeahtta

Guovlulaš ovdáneapmái Romssa fylkkas

Historjjálaš arkiiva

Almmustahttináigodat Regjeringen Stoltenberg II

Almmustahtti: Gielda- ja guovlodepartemeanta

Doarjja guovlulaš ovdáneapmái Romssa fylkkas galgá lasihuvvot 178,2 miljovnna ruvnnos movt lei jagi 2010:s 186,6 miljovnna ruvdnui 2011:s.

Ođasmahttin 22.10.10:
Ráđđehus árvala juolludit 184,0 miljovnna ruvnno guovlulaš ovdáneapmái Romssa, iige 186,6 miljovnna nu movt bođii ovdan preassadieđáhusas golggotmánu 5.beaivvi 2010. Duogáš lea rehkenastinteknihkkalaš meattáhus. Rámma mii árvaluvvo fylkkasuohkaniidda lea gaskaboddosaš gitta dassážiigo Stuorradiggi lea meannudan2011 stáhtabušeahta. Loahpalaš rámma almmuhuvvo juolludusreivves man Gielda- ja guovlodepartemeanta sádde fylkkasuohkaniidda ođđajagi álggus.


Doarjja guovlulaš ovdáneapmái Romssa fylkkas galgá lasihuvvot 178,2 miljovnna ruvnnos movt lei jagi 2010:s 186,6 miljovnna ruvdnui 2011:s.

2011 stáhtabušeahtas árvala ráđđehus juolludit sullii 2,8 miljárdda ruvnno bire- ja guovlopolitihka várás. Fylkkasuohkan galgá hálddašit váile 80 proseanta dáin ruđain.

- Mii bargat oažžumis árvoháhkama, bargosajiid, čálggu ja buori báikegottiid doppe gos olbmot orrot. Fylkkasuohkanat leat guovddážis dán barggus, dadjá gielda- ja guovloministtar Liv Signe Navarsete.

Bire- ja guovlopolitihka bakte háliida ráđđehus láhččet ássama ja árvoháhkama miehta riika.
 
- Ráđđehus áigu láhččet olbmuide vejolašvuođa ásahit ođđa fitnodagaid dahje viidáset ovdánahttit gávdni fitnodagaid. Danin mii 2011:s nannet suohkanlaš ealáhusfoanddaid 50 miljovnna ruvnnuin, 225 miljovnna ruvdnui, lohka Liv Signe Navarsete.

Oppalaš juolludeamis Romssa fylkii lea 22,6 miljovnna ruvdno ráddjejuvvon suohkanlaš dahje guovlulaš ealáhusfoanddaide. Ruđat galget veahkehit daid suohkaniid dahje guovlluid gos lea unnán ealáhusdoaibma vai sáhttet doarjut báikkálaš ealáhusovdáneami.

Čujuhus

Liigedieđut

  • 7,5 miljovnna ruvnno oppalaš juolludeamis Romssa fylkkasuohkanii galgá gokčat goluid go servet eurohpalaš territoriála ovttasbargui (Interreg)
  • Maŋŋil jahkemolsuma oažžu fylka maiddái buhtadasa bargoaddidivada lassáneami dihte. Jagi 2010 juolluduvvui 217 miljovnna ruvdno buhtadusruhtan Romssa fylkii.

Gielda- ja guovlodepartemeanta preassatelefovdna: 22 24 25 00.