Ovdasiidu

Historjjálaš arkiiva

2011 Stáhtabušeahtta

5,7 miljárdda ruvdno lassáneapmi suohkaniidda

Historjjálaš arkiiva

Almmustahttináigodat Regjeringen Stoltenberg II

Almmustahtti: Gielda- ja guovlodepartemeanta

Ráđđehus árvala 5,7 miljárdda dienaslassáneami suohkaniidda boahtte jahkái.

Ráđđehus árvala 5,7 miljárdda dienaslassáneami suohkaniidda boahtte jahkái.

- Mii láhččet suohkaniidda viiddidit čálgobálvalusaid olmmošlogu ovdáneami ektui. Nu mii dáhkidat ahte suohkaniin leat buori vejolašvuođat hukset ja viiddidit skuvllaid, mánáidgárddiid ja dikšun- ja fuolahusfálaldagaid daidda geat dan dárbbašit, dadjá gielda- ja guovloministtar Liv Signe Navarsete.

- Dasa lassin leat earenoamáš áŋgiruššamat mánáidsuodjalusas, skuvllaid, vuojadanáldásiid, girkuid ja fylkkaluottaid divodeamis, háhkandoarjja buhcciidruovttuide ja fuolahusdáluide ja ruđat e.e. ovttasdoaibmamii ja gárrenmirkkuid eastadeapmái. Suohkanat ožžot eanet ruđat go mii dieđihuvvui suohkanproposišuvnnas, lohka Navarsete.

5,7 miljárdda ruvnno sturrosaš dienasahtanuššamis, lea 2,75 miljárdda ruvdno friddja dietnasiin. Dat galget gokčat liigegoluid mat suohkaniin lea olmmošlogu ovdáneami dihte.

- Nana ja dearvvaš suohkanekonomiija lea čálgofálaldagaid eaktun miehtá riika. Dán áigodagas lea ráđđehus juo váikkuhan mearkkašahtti ekonomalaš ovdáneami suohkaniin. Dál máŋga eurohpálaš riikat unnidit almmolaš bušeahtaideaset. Mun lean hui ilus go mii, váttes ekonomalaš dilis, ain sáhtit vuoruheames buori čálgofálaldagaid, dadjá Navarsete.

Son čujuha dasa ahte dálá ráđđehusa áigodagas lea barggahus suohkaniin sakka lassanan.

- Norgga suohkaniin leat 2005 vuosttaš jahkebeali rájes gitta 2010 vuosttaš jahkebeali rádjai bargiidlohku lassanan sullii 70.000. Eanet bargit geat barget mearkkaša eanet ja buoret čálgobálvalusat ássiide, lohka Navarsete.

Ráđđehus maiddái čuovvola árvaluvvon ođđa dienasvuogádaga suohkaniidda mii ovddiduvvui suohkanproposišuvnnas.

- Ođđa dienasvuogádat mearkkaša dietnasiid vuoiggaleappot juohkima suohkaniid gaskkas, dadjá stáhtaráđđi.

Gielda- ja guovlodepartemeanta preassatelefovdna: 22 24 25 00.