Historjjálaš arkiiva

1,4 miljovnna kruvnnu ássanmiella prošektii Unjárgga gielddas

Historjjálaš arkiiva

Almmustahttináigodat Regjeringen Stoltenberg II

Almmustahtti: Gielda- ja guovlodepartemeanta

Moanat prošeavttat miehtá riikka ožžot ruhtadoarjagiid ovddidit ássanmiela. – Lea leamaš gáibideaddji bargu válljet 182 ohcamušaid gaskkas daid buoremus prošeavttaid. Okta dáin prošeavttain lea Unjárgga gielddas, lohká gielda- ja guovloministtar Liv Signe Navarsete.

Moanat prošeavttat miehtá riikka ožžot ruhtadoarjagiid ovddidit ássanmiela. – Lea leamaš gáibideaddji bargu válljet 182 ohcamušaid gaskkas daid buoremus prošeavttaid. Okta dáin prošeavttain lea Unjárgga gielddas, lohká gielda- ja guovloministtar Liv Signe Navarsete.

- Ráđđehus háliida ahte buohkat Norggas galget oažžut vejolašvuođaid ássat doppe gos sii háliidit.  Ássanmiela áŋgiruššan mearkkaša ahte ruđat juolluduvvojit ovddidanprošeavttaide man ulbmilin lea ráhkadit geasuheaddji báikegottiid. Ohcanbunta duođašta stuora beroštumi olles riikkas, cealká gielda- ja guovloministtar Liv Signe Navarsete.

Gielda- ja guovlodepartemeanta lea ássanmiella prošeaktaválljejumis deattuhan erenoamážit kvalitehta, čanastumiid, ođđajurddašeami ja ovttasbarggu. Dehálaš ulbmiljoavkkut leat nuorat, nissonat ja sisafárrejeaddjit. Maiddái fylkkagielda lea leamaš mielde meannudeamen ohcamušaid.

Vuođđun prošektii Unjárggas leat guovllu nana árbevierut ja riggodagat, erenoamážit sámi duodji ja báikkálaš borramušat.  Dát lea buorre vuolggasadji, sihke ođđa ealáhusdoaimmaide ja ássanmillii.  Barggut mat dahkkojit nuoraid ektui,skuvllaiguin ja oahppoásahusaiguin ovttas, leat erenoamáš miellagiddevaččat, nu ahte nuorat álkibut sáhttet ásaiduvvat ja álggahit báikkálaš ealáhusdoaimmaid.

- Mus lea jáhkku ahte sámi árbevirolaš duodje- ja báikkálaš borramušealáhusaid vuoruheapmi gievruda ja nanne sámi iešdovddu, mii fas váikkuha hui positiivalaččat ássanmillii olles gielddas, lohká stáhtaráđđi.

 Gielda- ja guovlodepartemeantta preassatelefovdna: 22 24 25 00.