Eanet olbmot sáhttet dál geavahit Viessoláigoriidolávdegotti

Jagi 2012 rájes galget Viessoláigoriidolávdegotti (Husleietvistutvalget) kantuvrrat Bergenis ja Troandimis fállat bálvalusaid buohkaide geat orrot Hordalánddas ja Trøndelága-fylkkain. Dán evttoha ráđđehus jagi 2012 stáhtabušeahtas.

Viessoláigoriidolávdegoddi (HTU) lea riidočoavdinorgána mii sáhttá soabahit ja mearridit buot lágan riidoáššiin mat gusket ássanviesu láigoheapmái.

-Mun lean duhtavaš go ain eanet viessoeaiggádat ja láigoheaddjit  besset ávkkástallat Viessoláigoriidolávdegotti doaimmaid. Dat lea buorre ásahus jos bealit eai soabat omd. viessoláiggu mávssus, viessoláigošiehtadusa oktavuođas dahje deposituma mávssus. Dat lea buorre, johtilis ja govttolaš molssaeaktu diggeáššái, dadjá gielda- ja guovloministtar Liv Signe Navarsete.

Dán rádjái lea dát leamaš fálaldat Oslo, Akershus, Bergen ja Troandin ássiide. Dál háliida ráđđehus ahte buohkat Hordalánddas ja Trøndelága-fylkkain galget beassat ávkkástallat dán ortnega, ja jagi 2012 evttohuvvo oktiibuot 21,4 miljovnna kruvnnu HTU:ii.

- HTU lea muttolaš olámuttolaš fálaldat. Dán leat olusat váillahan olggobealde Bergen ja Troandin gávpotrájáid. Danne lea dehálaš ahte mii dál sáhttit viiddidit Viessoláigoriidolávdegotti doaibmaguovllu miehtá Hordalándda ja Trøndelága-fylkkaid. Viiddideapmi čuovvu dasto daid neavvagiid maid ássanlávdegoddi ovddidii NAČ bokte dál čakčat, cealká Navarsete.

Gielda- ja guovludepartemeantta preassatelefovdna: 22 24 25 00.