Eanet vuosttasgeardde jienasteaddjit serve válggaide

Sullii bealli vuosttasgeardde jienasteaddjiin jienastedje gielddastivraválggas čakčat.  Dát lea stuorra lassáneapmi jagi 2007 válgga ektui mas oassálastinproseanta lei 33 proseantta. – Dát addá munnje doaivaga boahtteáigái, cealká gielda- ja guovloministtar Liv Signe Navarsete.

- Mus lea jáhku boahtteáigái  ja jáhkán ahte dálá nuorat dorjot demokratiija go vásihit ahte dat áitojuvvo, dadjala Navarsete.

Ovddit gielddaválggas jienastedje vuosttasgeardde jienasteaddjit dušše 33 proseantta. Diimmá čavčča válggas nuoraid oassálastin lassánii 13 proseantačuoggás 46 proseantačuoggái.

Dutkiguovttos Johannes Bergh ja Guro Ødegård Servodatdutkan Instituhtas oaivvildeaba terrorfallehemiid Oslos ja goddimiid Utøyas suodnemánu 21.beaivve 2011 dehálaš sivvan dán stuorra válga searvamii vuosttasgeardde jienasteddjiid bealis.   

- Mii leimmet vuordán eanet jienasteddjiid čavčča gielddaválggas go dat mii lei. Muhto lean movtta otná loguiguin. Dát mearkkaša ahte nuorat beroštit go vásihit ahte nuorat šaddet gillát go barget demokratiija ovddas, lohká Navarsete.

Son lea maid duhtavaš go dutkan čájeha ahte jos vuosttasgeardde jienasteaddjin jienastat, de  jienastanvuoigatvuohta dávjá geavahuvvo maŋŋil maid.

- Mun doaivvun vásihit seammá boahttevašvuođas maid, ja ahte nuorat servet boahttevaš válggain. Lea dehálaš várjalit demokratiija, dadjá Navarsete.

Riikkadásis leai jienastanlohku 64,5 proseantta. Duogášlogut čájehit ahte ain lea boarráset geardi geat divdna geavahit jienastanvuoigatduođaset. Buot ahkejoavkkuin lassánii oassálastin diimmá čavčča válggas jagi 2007 gielddaválgga ektui, muhto ii ovttage ahkejoavkkus lei lassáneapmi nu stuoris go vuosttasgeardde jienasteddjiin.   60 – 69 jahkásaččaid gaskkas lei jienastanlohku olles 78 proseantta čakčat.  

16 – 17 jahkásaččaid válgaoassálastin 20 gielddas geat ledje mielde vuoliduvvon jienastanagi geahččaleamis čakčat, lei 58 proseantta. Dát gielddat čađahedje sierra kampánjjaid ja doaimmaid nuoraid váste. Servodatdutkan instituhtta ovttas Rokkasenter:in čuovvuba geahččaleami ja soai galgaba maid árvvoštallat dan.

• Válgaoassálastin agi mielde (pdf)
• Kronihkka: Valget 2011: Utøya-effekten som ikke forsvant (Institutt for samfunnsforskning)

Gielda- ja guovlodepartemeantta preassatelefovdna: 22 24 25 00.