Suohkansuorggi vearrodietnasat lassánit 2012:s

Meroštallamat čájehit ahte suohkansuorgi oažžu oktiibuot 2,3 miljárdda ruvnno eanet vearrodietnasiid 2012:s. – dat čielgasit nanne suohkaniid ekonomiija, dadjá gielda- ja guovloministtar Liv Signe Navarsete.

- Norgga ekonomiija ahtanuššan dagaha ahte dietnasat suohkaniidda lassánit. Dát mearkkaša ahte suohkanat sáhttet buoridit iežaset ekonomalaš dili dahje buorit bálvalusaid ássiide. Dáid liigeruđaiguin sáhttet hukset eanet buhcciidruovttuid, mánáidgárdesajiid ja divodit ja ođastit skuvllaid, lohká Navarsete.

2012 suohkansuorggi oppalaš dietnasiid lassánit 5,1 miljárdda ruvnnuin. Friddjadietnasat lassánit 3,5 miljárdda ruvnnuin.

Suohkansuorggi 2012 vearrodietnasat šaddet ođđasit árvvoštallojuvvot čakčat go 2013 stáhtabušeahtta ovddiduvvo.

Gielda- ja guovlodepartemeanta preassatelefovdna: 22 24 25 00.