Aktiver Javascript i din nettleser for en bedre opplevelse på regjeringen.no

Historjjálaš arkiiva

Ođđa ortnet dán jagi: Don sáhtát suoidnemánu 1. b. rájis jienastit

Historjjálaš arkiiva

Almmustahttináigodat Regjeringen Stoltenberg II

Almmustahtti: Gielda- ja guovlodepartemeanta

Valgportalen - Stuorradiggeválga ja sámediggeválga

Jos dus ii leat vejolašvuohta jienastit dábálaš ovddalgihtii jienasteami áigodagas, itge válgabeaivvige, de sáhtát suoidenmánu 1. b. rájis gitta borgemánu 9. b. lohppii váldit oktavuođa gildii/suohkanii ja soahpat jienastanáiggi. Don it dárbbaš válgakoartta, muhto váldde legitimašuvnna mielde!

Jos dus ii leat vejolašvuohta jienastit dábálaš ovddalgihtii jienasteami áigodagas, itge válgabeaivvige, de sáhtát suoidenmánu 1. b. rájis gitta borgemánu 9. b. lohppii váldit oktavuođa gildii/suohkanii ja soahpat jienastanáiggi. Don it dárbbaš válgakoartta, muhto váldde legitimašuvnna mielde!

Borgemánu 10. b. álgá dábálaš ovddalgihtii jienasteapmi. Gielddat/suohkanat mearridit áiggi ja báikki, ja dieđihit dan birra. Ovdamearkkat jienastanbáikkiin leat gielddalaš dahje suohkanlaš visttit nugo ráđđeviesut, bálvalusmárkanat ja girjerájut. Ovddalgihtii jienasteamit lágiduvvojit maiddái dakkár ásahusaide go buohcciidviesuide, buohcciidsiiddaide, giddagasaide ja sullasaš sajiide. Buohccit ja doaibmavádjigat sáhttet ohcat gielddas dahje suohkanis lobi beassat jienastit
ruovttus. Don sáhtát ovddalgihtii jienastit gitta čakčamánu 11. beaivái.
Don sáhtát ovddalgihtii jienastit man fal gielddas dahje suohkanis miehtá riikka. Válgabeaivvi don fertet jienastit dan gielddas dahje suohkanis masa don ledjet girjejuvvon ássin geassemánu 30. beaivvi. Don sáhtát dušše oktii jienastit.

Muitte legitimašuvnna váldit mielde!

Bajás