Guđa láhkaásahusa sadjái oktasaš láhkaásahus

- Lea dehálaš oažžut unnit ádjás ohcanbargovugiid, ja ođđaáigásaš ja deaivilis láhkaásahusa man lea álki ipmirdit vai joksat ráđđehusa áigumuša das ahte Norga galgá máilmmis leat njunuš mearrabiebmonašuvdna. Dan dihte mii dál čuovvolit  álkidahttinbarggu ja bidjat ovtta láhkaásahusa oassálastinláhkii dan guđa láhkaásahusa sadjái mat doppe leat, lohká guolástus- ja riddoministtar Lisbeth Berg- Hansen.

- Dat veahkeha álkidit dála láhkaásahusa ja dahkat dan eambbo olámuddui sihke ealáhusdolliide ja eará geavaheddjiide, lohká Berg- Hansen.

Ođđa ealáhuslobiláhkaásahus čohkke dál earret eará buot iešguđet lágan ohcanbargovugiid mearrádusaid ovtta láhkaásahusa vuollái. Dan ferte geahččat oktavuođas Guolástandirektoráhta bargguin ráhkadit oktasaš elektrovnnalaš ohcanskovi iešguđetge lágan guolástanlobiide. Dakkár oktasaš elektrovnnalaš ohcanskovvi seastá ealáhusa resurssageavaheami. Láhkaásahus mielddisbuktá maid loahpaheami maŋemus jagiid bargguin mas leat čohkken njuolggadusaid oassálastinlága golmma láhkaásahusa vuollái, ealáhuslobiláhkaásahussii, konsešuvdnaláhkaásahussii ja oassálastinláhkaásahussii. Lea ođas ahte guolástanlobiid njuolggadusat čatnasiid gáibádusaide mat mearrajohtolateiseválddiin leat guolástanfatnasiid sihkkarvuođa ektui. Boahtá gáibiduvvot dokumentašuvdna ahte sihkarvuođagáibádusat leat čuovvoluvvon, ovdal go guollefanas sáhttá adnot fidnoguolásteamis. Ii leat vejolaš bidjat ollislaš astoáiggefatnasiid mearkaregisterii jus dat eai deavdde guolástanfatnasiid sihkarvuođa gáibádusaid.

• Gonagaslaš resolušuvdna Láhkaásahus ahte lea ealáhuslohpi guolásteapmái ja bivdui, guollefatnasiid registrerema ja merken je. (ealáhuslobiláhkaásahus)