Historjjálaš arkiiva

Ođđa dutkanfanas 1,4 miljárdda ruvdnui mii sáhttá

Historjjálaš arkiiva

Almmustahttináigodat Regjeringen Stoltenberg II

Almmustahtti: Guolástus- riddodepartemeanta

Ráđđehus árvala hukset ođđa jiekŋaceavzi dutkanfatnasa. Fanasprošeavtta ollislaš gollorámma lea badjelaš 1,4 miljárdda ruvnno, ja ráđđehus árvala ahte 75 miljovnna ruvnno sturrosaš álgojuolludeami 2013-bušeahtas.

Ráđđehus árvala hukset ođđa jiekŋaceavzi dutkanfatnasa. Fanasprošeavtta ollislaš gollorámma lea badjelaš 1,4 miljárdda ruvnno, ja ráđđehus árvala ahte 75 miljovnna ruvnno sturrosaš álgojuolludeami 2013-bušeahtas.

– Ođđa jiekŋaceavzi fanas lea dehálaš dálkkádaga ja birrasa dutkamii polára guovlluin ja resursagártemii davviguovlluin, dadjá guolástus- ja riddoministtar Lisbeth Berg-Hansen.

Arktalaš ja Antárktalaš guovlluin lea dehálaš sajádat máilmmiviidosaš dálkkádahkii. Jiekŋaceavzi dutkanfanas nanne Norgga vejolašvuođaid searvat dehálaš máhtolašvuođain riikkaidgaskasaš dálkkádatbargui nannejuvvon dutkanbiju bakte arktalaš ja antárktalaš guovlluin.

Fanas lea plánejuvvon fanasin mii sáhttá adnot máŋggalágan doaimmaide. Lassin dálkkádat- ja poláradutkamii ja oahpahussii de dat galgá maiddái adnot resursakártemiidda davviguovlluin.

Dát fanas boahtá ”Lance” ja ”Helmer Hansen” dutkanfatnasiid sadjái, mat leat ođastuvvon ja nuppástuvvo bivdofatnasat. Dát ođđa fanas lea spesiálahuksejuvvon jiekŋaceavzi dutkanfatnasiin, ja dagaha áibbas eará vejolašvuođaid čađahit dutkama ja oahpahusa polára guovlluin go maid sáhtte daid fatnasiiguin maid sadjái dat fanas boahtá.

Fatnasa ruovttuhápman galgá leat Romsa, ja deháleamos geavaheaddjit leat Norgga Polarinstituhtta, Romssa Universiteahta ja Mearradutkaninstituhtta.

Huksenproseassa lea Mearradutkaninstituhta ovddasvástádus. Dat ođđa fanas vurdojuvvo gárvvistuvvot 2015:s.