Ráđđehus evttoha lasihit doarjaga sámi kulturulbmiliidda čieža miljon ruvnnuin Bondevik-ráđđehusa jagi 2006 bušeahttaevttohusa ektui.

Ráđđehus áigu buoridit Sámedikki vejolašvuođa čađahit árjjalaš kulturpolitihka. Juolludus sámi kulturulbmiliidda sirdojuvvo Sámediggái, mii ieš beassá hálddašit ruđaid. Dát leat ruđat sámi doaibmabijuide Kultur- ja girkodepartemeantta bušeahtas, earret ruđaid Sámi bibliografiijii, ruđaid sámi arkiivii ja ruđaid sámi filbmabuvttademiide.

Ráđđehus evttoha lasihit doarjaga sámi aviissaide 200 000 ruvnnuin. Doarjja galgá bisuhit doarjaga duohtadási dainna lágiin ahte dat buhtada jagi 2006 vurdojuvvon bálká- ja haddegoargŋuma.

Ráđđehus doalaha Bondevik-ráđđehusa evttohusa sirdit golbma miljon ruvnnu Gielda- ja guovlodepartemeantta bušeahtas sámi girjebussiid háhkamiidda. Girjebussiid hálddaša Sámediggi.