Stuorra musihkkaáŋgiruššan Romssa fylkii

Ráđđehus evttoha 2009 bušeahtas ahte Tromsø Symfoniorkester oažžu lasihuvvot dorjaga 1 miljon ruvnnuin 13,4 miljon ruvdnun.

- Lassáneapmi Tromsø Symfoniorkester:ii lea oassi áŋgiruššamis ásahit davvinorgalaš symfoniijaorkertera, Arctic Orchestra. Ođđa orkester galgá huksejuvvot earret eará Tromsø Symfoniorkester, Landsdelsmusikerordningen i Nord-Norge, Bodø Sinfonietta ja Forsvarets Musikkorps Nord-Norge fitnolaš čuojaheaddjibirrasiidda. Dan lassin lea várrejuvvon 6,5 miljon ruvnnu dán prošektii, dadjá kultur- ja girkoministtar Trond Giske.

Ráđđehus evttoha maiddái 5,2 miljon ruvdnosaš doarjga Ája Sámi Guovddážii. Opera Nord oažžu 0,5 miljon ruvdnosaš lassáneami nu ahte doarjja šaddá šiega 1,9 miljon ruvnnu.

Hålogaland Teater oažžu 2 miljon ruvdnosaš lassáneami nu ahte boahtte jagi doarjja šaddá 38,6 miljon ruvnnu. Ráđđehus evttoha maiddái juolludit 0,5 miljon ruvnnu Nord Vitensenter:ii, vai luvvejuvvojit speallanruđat dan oktavuođas ahte Kultuvrralaš skuvlalávka galgá viiddiduvvot guoskat maiddái joatkkaskuvllaide.

Ráđđehus čuovvola stuorradiggedieđáhusa guovddášásahusaid birra ja evttoha 1,5 miljon ruvdnosaš doarjaga Riddu Riððui go festivála dál lea ožžon guovddášásahusstáhtusa 2009 rájes. Doarjja Filmcamp Målselv:ii jotkojuvvo 2,5 miljon ruvnnuin. Ráđđehus lea várren 10 miljon ruvnnu ođđaruhtan mas guovllulaš filbmaguovddážat sáhttet ohcat doarjaga.