Nuvtta fruvttat ja ruotnasat

Buot oahppiide skuvllain main leat nuoraidluohkát ožžot nuvtta fruvttaid ja ruotnasiid 2007 čavčča rájes. Reviderejuvvon našunálabušeahtas árvala ráđđehus juolludit 87 milliojovnna kruvnno sihkkarastit dán. Dasa lassin biddjo ruhta skuvlabiebmo- geahččalemiide.

– Lea deaŧalaš veahkki addime oahppiide buoret biebmodoalu ja dainna lágiin oažžut eanet ávkki oahpahusas, lohká máhttoninisttar Øystein Djupedal.

Čielga nuoraidskuvllat (8.–10. luohkát) ja skuvllat main leat visot luohkát (1.–10. ceahki) mat álggáhit ráđđehusa frukta- ja ruonasáŋgiruššama.  Dát fátmmasta sullii 285 000 oahppi, ja skuvlaeaiggádis lea ovddasvástádus čađahit ortnega praktihkalaččat.

– Iskkadeamit čájehit ahte leat nuoraidluohkáid oahppit geain leat heajumus borrandábiid. Dán oahppiidjovkui lea stuoramus ávki nuvttá fruvttaid ja ruotnasiid, ja lea dan dihte riekta álgit nuoraidskuvlla oahppiiguin, lohká Djupedal.

Otná skuvlafruvtta doallanortnet, ja álgindoarjja dasa, jotkojuvvo oahppiide geaidda ođđa ortnet ii guoskka.

Ráđđehus áigu seammás geahččalit iešguđetlágán skuvlabiebmoortnegiid ja geahččat dáid ovttas viiddiduvvon skuvlabeaivegeahččalemiin skuvlajagi 2007–2008. Evttohuvvo 23 millijovnna kruvnno geahččalandoaimmaide 2007 čavčča. Dát boahtá lassin geahččalemiide mat leat álggahuvvon ovdal.

Gulahallanolbmot:
Ossodatdirektevra Margaret Westgaard tlf. 22 24 76 30
Seniorráđđeaddi Gunnar Eie 22 24 73 88

Eambbo stáhtabušeahta birra Finansdepartemeantta neahttasiidduin