Historjjálaš arkiiva

Almmuhus - 20. konsešuvdnavuorru

Historjjálaš arkiiva

Almmustahttináigodat Regjeringen Stoltenberg II

Almmustahtti: Oljo- ja energiijadepartemeanta

Oljo- ja energiijadepartemeanta almmuha odne 20. konsešuvdnavuoru, masa gullet 79 blohka dahje blohkkaoasi Norgga-ábis ja Barents-ábis. Dát áddet vuođu juohkimii 2009' giđa.

Oljo- ja energiijadepartemeanta almmuha odne 20. konsešuvdnavuoru, masa gullet 79 blohka dahje blohkkaoasi Norgga-ábis ja Barents-ábis. Dát áddet vuođu juohkimii 2009' giđa. Dát 20. konsešuvdnavuorru lea ávkin doalahit ohcama dakkár osiin mat eai leat vuos guorahallojuvvon norgga nannánjuolggi siskkobealde, ja addá vuođu ođđa doaimmaide ja árvoháhkamii davveguovlluin. Ođđa petroleumgávdnosat dáin guovlluin sáhttet olu mearkkašit bargosajiide ja ealáhusovddideapmái miehtá norgga riddogátti davvin.

Ráđđehusa vuohki doallat rabasvuođa petroleumpolitihkas lea vuođđun go 20. konsešuvdnavuoru evttohus vuosttaš gearddi lea leamaš almmolaš gulaskuddamis. Leat boahtán viiddis ja positiiva máhcaheamit gulaskuddamis, ja iešguđetlágan oainnut leat leamaš mávssolaš oassin mearrádusa duogážii go Ráđđehus lea árvvoštallamiid dahkan.

Ráđđehus bidjá stuora deattu vuhtiiváldit dehálaš guolástusguovlluid ja guovlluid rittus mat leat rašis dilis. Danne leat čavgejuvvon biras- ja guolástuseavttut 20. konsešuvdnavurrui muhtin guovlluin, earret eará lea muhtin blohkaide mearriduvvon ahte dihto áigodagaide galgá leat gielddus dahkat seismihkalaš iskkademiid.

Ráđđehus dáhttu vuordit dassážii go fágalaš árvvoštallamat bohtet Norgga-ábi hálddašanplánas ovdalgo álggahuvvo ođđa petroleumdoaibma olgolis Mørerittu.

Viidáset petroleumdoaibma ja eavttut dán guovllus árvvoštallojuvvojit hálddašanplánas.

- Mun hálidan ain ovddidit min čálgoservodaga ja doalahit vejolašvuođa dahkat ođđa petroleumgávdnosiid, doaimma ja árvoháhkama norgga nannánjuolggi siskkobealde.  Almmuheapmi lea heivehuvvon čoavddus mas leat deattuhuvvon biras- ja guolástusberoštumit, dadjá oljo- ja energiijaministtar Terje Riis-Johansen.  

Ohcanáigi lea skábmamánnu 7.beaivi 2008 diibmu 12:00. Ráđđehusa áigumuš lea juohkit ođđa ohcanlobiid 2009' giđa, dan seammás go meannuduvvo ollislaš hálddašanplána Norgga-ábi várás. Go juohká blohkaid Norgga-ábis de lea eaktun ahte dat soahpá oktii hálddašanplána loahppamearrádusaiguin.  

Ráđđehus lea dán konsešuvdnavuorus válljen ahte ii almmut muhtin evttohuvvon blohkaid Norgga-ábis. Dát almmatge ii leat mearrideaddjin dasto go Ráđđehus galgá meannudit hálddašanplána Norgga-ábi várás. Ráđđehus dáhttu hálddašanplánas árvvoštallat dan gažaldaga ahte galgá bidjat ođđa gáibádusaid mas biddjo nu ahte dábálaš doaimmas eai galgga veahášge nuoskkoluoitimat boahtit merrii, mat sohpet oktii čávgejuvvon gáibádusaiguin mat gustojit Barentsáhpái.

Čuovvovaš blohkat dahje blohkkaoasit leat almmuhuvvon 20. konsešuvdnavuorus:

6201/4, 5, 6, 11, 12
6202/10
6203/10 (oassi nuortalulli čiegas)
6405/1, 2, 3
6502/2, 3, 6
6503/1, 2, 4, 5
6509/4, 5, 6, 12
6604/2, 3, 4, 5, 6
6605/11, 12
6606/1, 2, 3, 4, 5
6607/6, 8
6608/6, 9
6609/ 4
6703/7, 8, 9, 10, 11, 12
6704/7, 8, 10
6705/12
6707/8, 9, 11
7016/2
7116/11
7123/5, 6
7124/4
7217/12
7218/10, 11
7219/9, 12
7220/2, 4, 5, 7, 8, 10
7224/7, 8, 11
7225/3
7226/1, 8, 9
7228/10, 11, 12
7324/7, 8

Dievaslaš almmuheapmi, kárta almmuhuvvon blohkaide, biras- ja guolástuseavttut ja eambbo dieđut leat gávdnamis Oljodirektoráhta neahttábáikkis (www.npd.no/20runde).  

Mildosat:
Kárta