Norggas lea ovdagoddi OECD Ministtarráđečoahkkimis 2013

Norggas lea ovdagoddi OECD Ministtarráđečoahkkimis miessemánu 29.-30. b.2013 Parisas. Ruhtadanministtar Sigbjørn Johnsen lea vuosttas ministtar OECD historjjás gii nuppe geardde lágida dákkár čoahkkima.

OECD ráđđečoahkkimis čakčamánu 13.beaivve mearriduvvui ahte Norggas galgá leat ovdagoddi Ministtarráđečoahkkimis jagi 2013.

Ovttas olgoriikaministariin Espen Barth Eide:n galgá ruhtadanministtar Sigbjørn Johnsen jođihit eanaš osiid čoahkkimis, mii jagi 2013 lágiduvvo miessemánu 29.-30.beaivve OECD váldobáikkis Parisas.

Ovdagotti doaibma mielddisbuktá ovddasvástádusa OECD foruma ektui, mii lágiduvvo miessemánu 28.-29.beaivve. Dábálaččat válljejuvvojit guokte sadjásašovdaolbmo Ministtarráđečoahkkimii, ja geat dat šaddet jagis 2013 mearriduvvojit jáhkkimis ráđđečoahkkimis golggotmánu 9.beaivve.

Norggas lea leamaš guktii juo ovdagoddi OECD Ministtarráđečoahkkimis – álggos jagi 1963 olgoriikaministtar Halvard Lange áiggi, ja maŋimuš jagi 1992 gávpeministtar Bjørn Tore Godal ja ruhtadanministtar Sigbjørn Johnsen áiggi.

OECD mearkkaša The Organisation for Economic Co-operation and Development, sámegillii: Ekonomiija ovttasbarggu ja ovdáneami organisašuvdna. Loga eanet OECD organisašuvnna birra neahttabáikkis: http://www.oecd.org/