Ruhtadanministtar rahpá vearroguovddážiid

Ruhtadanministtar Sigbjørn Johnsen rabai odne guokte ođđa vearroguovddáža - Oslo Fiscal Studies Oslo universitehta oktavuhtii ja Norwegian Center for Taxation Bergena NHH oktavuhtii.

- Vearrovuogádat ferte doaibmat bures dákkár čálgoservodagas, mii mis lea. Dáinna guvttiin ođđa guovddážiin mii nannet čielgasit Norgga vearroekonomiija fágasuorggi, ja mun eaktudan ahte daid olis čohkkejit mávssolaš dieđuid, maid Ruhtadandepartemeanta sáhttá geavahit ovddidettiinis vearrovuogádaga ovddos guvlui, ruhtadanministtar Sigbjørn Johnsen dajai rahpandilálašvuođas Norgga gávpeallaskuvllas Bergenis.

Ruhtadanministtar Sigbjørn Johnsen doallá sáhkavuoru Norgga gávpeallaskuvllas.

 

Loga sáhkavuoru dás

 

Čoahkkanan olbmot guldalit beroštumiin ruhtadanministara: Rektor Jan I. Haaland, vearrodirektevra Svein R. Kristensen, ekspedišuvdnahoavda Nina Bjerkedal (2. ráđas), professor Agnar Sandmo (2. ráđas) ja professor Guttorm Schjelderup (ovddabealde olgešbealde).

Nana ovttasbargu
Oslo Fiscal Studies (OFS) doaimmaid ruhtadit Norgga dutkanráđi ruđaiguin ja Oslo universitehta iežas ruđaiguin. Ovttasbargui servet Frisch-guovddáš ja Statistihka guovddášdoaimmahat. Norwegian Center for Taxation (NoCeT) ásahuvvo NHH:i ovttasbarggus Servodat- ja ealáhusdutkanguovddážiin (Samfunn- og næringsforskning, SNF) ja ruhtadeapmi boahtá Norgga dutkanráđis, Vearrodirektoráhtas ja NHH iežas ruhtadeamis.