Historjjálaš arkiiva

Čáhppes barggu hehttegohtet bargiid bákkolaš logahallamiin

Historjjálaš arkiiva

Almmustahttináigodat Regjeringen Stoltenberg II

Almmustahtti: Ruhtadandepartemeanta

Ruhtadandepartemeanta ovddida odne árvalusa, mas dihto bargosurggiin gáibidit bargiid logahallama, mii čájeha geat goasge leat ain barggus. – Bargiid logahallan lea mávssolaš vuohki hehttet čáhppes barggu, ruhtadanministtar Sigbjørn Johnsen dadjala.

Ruhtadandepartemeanta ovddida odne árvalusa, mas dihto bargosurggiin gáibidit bargiid logahallama, mii čájeha geat goasge leat ain barggus. – Bargiid logahallan lea mávssolaš vuohki hehttet čáhppes barggu, ruhtadanministtar Sigbjørn Johnsen dadjala.

– Čáhppes bargu bilida dearvvaš gilvvu ja almmolašvuohta massá boađuid, Johnsen nannesta.

Ruhtadandepartemeanta árvala dál ásahit bargiid logahallanortnega surggiide, main barget restoráŋŋain/dárjundoaimmain, vuoktačuohppamiin/čábbodatdikšumiin ja biillaid divvumiin/fuolahemiin. Ortnegis gáibidit bargosajiid logahallat beaivválaččat guđe bargit ain goasge leat barggus. Daid fitnodagaide, main eai leat makkárge vuogádagat bargiid dieđuid registrerema várás, šaddet ortnegis lassigolut. Fitnodagat, main leat jo dakkár vuogádagat, sáhttet geavahit daid bargiid logahallamii.

Ortnet ásahuvvo, vai vearroeiseválddiide šattašii álkit bearráigeahččamiin gávnnahit dahkkojuvvogo bargosajiin čáhppes bargu. Ruoŧas leat sullasaš ortnegiin vásihan, ahte ortnega ásaheami maŋŋá leat almmuhan eanet bálkkáid eiseválddiide, nuba ortnegii gullevaš surggiid beaggin sáhttáge buorránit sakka. Vearrobeaitinlávdegoddi (Skatteunndragelsesutvalget) ja Norgga ruhtadoallovuođđudusa Ruhtadoallostandárdastivra (Bokføringsstandardstyret i Norsk Regnskapsstiftelse) leat árvalan ásahit sullasaš ortnega Norgii.