Historjjálaš arkiiva

Árvala doaimmaid olgoriikka petrovlaháhkama vearrosubsidierema vuostá

Historjjálaš arkiiva

Almmustahttináigodat Regjeringen Stoltenberg II

Almmustahtti: Ruhtadandepartemeanta

Finánsadepartemeanta sádde gulaskuddamii árvalusa, man mielde olgoriikka petrovlaháhkamii guoskevaš boađuid vearrogeatnegasvuohta heaittihuvvošii ja dasa guoskevaš goluid ja táhpaid geasusvuoigatvuohta ráddjejuvvošii.

Finánsadepartemeanta sádde gulaskuddamii árvalusa, man mielde olgoriikka petrovlaháhkamii guoskevaš boađuid vearrogeatnegasvuohta heaittihuvvošii ja dasa guoskevaš goluid ja táhpaid geasusvuoigatvuohta ráddjejuvvošii.

Finánsadepartemeanta sádde gulaskuddamii árvalusa, man mielde petrovlaháhkama olgoriikka boađut eai livčče šat vearrogeatnegasat. Dalle jávkkašii maiddái dakkár boađuid háhkamis čoggon goluid ja táhpa geasusvuoigatvuohta. Árvalusain áiggošedje hehttet, ahte Norgga vearrovuogádagain subsidierejit olgoriikka petrovlaháhkandoaimmaid. Dálá njuolggadusat mielddisbuktet, ahte norgga oljofitnodagat (main leat boađut norgga nannámis) sáhttet bidjat olgoriikkadoaimmaid goluid ja táhpaid geasusin iežaset norgga nannándoaimmaid boađuid vuostá. Nu lea vaikko Norga ii sáhtege oažžut vearroboađuid olgoriikkadoaimmain. Dat lea prinsihpalaččat unohas ja mielddisbuktá guhkes áigodagas stuorra ruđalaš váikkuhusaid, jos dálá njuolggadusat eai rievdaduvvo.

Áigumuš lea ovddidit ášši nu, ahte árvaluvvon njuolggadusrievdadus boađášii fápmui boahtojagi 2013 rájes. Vuolláibáhcaga, mii olgoriikka petrovlaháhkandoaimmain lea čoagganan 2011 ja árat, galgá sáhttit ovddidit geasusin maŋit jagiid. 2012 čoagganan vuolláibáhcaga ii galgga sáhttit ovddidit vuolláibázan. Dat ii dattetge guoskka vuolláibáhcaga oassái, mii lea šaddan opmodaga vuovdimis ovdal geassemánu 15. b. 2012. Árvaluvvo dasto maiddái, ahte ii galgga sáhttit gáibidit gessosa konseardnadoarjagis, vai dan láhkai govččašii vuolláibáhcaga, maid vearromáksi ii sáhte ovddidit geasusin maŋit jagiid.

Gulaskuddancealkámušaid váldet vuostá borgemánu 22. beaivvi 2012 rádjai.