Báŋkoláhkakommišuvnna čielggadeapmi – ođđa oktasaš bálvaluspenšuvdnadáhkádus
Historjjálaš arkiiva
Almmustahttináigodat Regjeringen Stoltenberg II
Almmustahtti: Ruhtadandepartemeanta
Preassadieđáhus | Nr: 26/2012 | Almmustahtton: 28.06.2012 | Maŋimuš ođasmahttojuvvon: 17.09.2012
Báŋkoláhkakommišuvdna geigii ruhtadanministtar Sigbjørn Johnsenii odne čielggadusa, mas árvaluvvo ođđa oktasaš bálvaluspenšuvdnadáhkádus.
Báŋkoláhkakommišuvdna geigii ruhtadanministtar Sigbjørn Johnsenii odne čielggadusa, mas árvaluvvo ođđa oktasaš bálvaluspenšuvdnadáhkádus.
- Mu ulbmil lea, ahte Stuorradiggi ovdal geasi 2013 nanne ođđa penšuvdnabuktaga ollislašvuođa, mas leat gaskaboddasaš njuolggadusat dan hárrái, mo sirdásit dálá ortnegis ođđa penšuvdnabuktagii, ruhtadanministtar Sigbjørn Johnsen dadjala.
Ruhtadandepartemeanta bijai suoidnemánu 7. b. 2009 Báŋkoláhkakommišuvnna bargun čielggadit ja árvalit rievdadusaid fitnodatpenšuvdnaláhkii, báŋkuibidjanpenšuvdnaláhkii (innskuddspensjonsloven), bákkolaš bálvaluspenšuvdnaláhkii ja vejolaččat oktagaslaš penšuvdnaortnetláhkii. Rievdadusat galget váldit vuhtii álbmotoaju ođđa ahkepenšuvdnanjuolggadusaid. Ruhtadandepartemeanta attii bargofápmudusas vejolašvuođa juohkit barggu máŋgan čielggadeapmin. Báŋkoláhkakommišuvnna vuosttaš čielggadeapmi (NAČ 2010: 6 Pensjonslovene og folketrygdreformen I) geigejuvvui miessemánu 5. b. 2010. Čielggadusa ja dan maŋŋá ovddiduvvon láhkaárvalusa vuođul dahkkojuvvon láhkarievdadusat bohte fápmui ođđajagemánu 1. b. 2011.
Odne geigejuvvon čielggadus lea II muddu Báŋkoláhkakommišuvnna barggus, mainna heivehit priváhta suorggi penšuvdnaortnegiid ođđa álbmotodjui. Čielggadus sáddejuvvo dál gulaskuddamii, man áigemearri lea golbma mánu geahčen. Departemeanta áigu ovddidit láhkaárvalusa dálvit 2012/2013.
Báŋkoláhkakommišuvnna barggus leat ain čoavddekeahttá muhtin gažaldagat, mat laktásit earret eará dasa, makkár gaskavuohta lea dálá fitnodatpenšuvdnaortnegiin, mat vuođđuduvvet bargohivvodahkii, ja ođđa láhkii vuođđuduvvi penšuvdnaortnegiin. Daid gažaldagaid Báŋkoláhkakommišuvdna čielggada boahtte čielggadeamis, mii šaddá kommišuvnna barggu III muddu. III muttus árvvoštallet maid rievdadit báŋkuibidjanpenšuvdnalága, ja dan oktavuođas stuorámus vejolaš jahkemávssu.
Dainna eavttuin, ahte Báŋkoláhkakommišuvnna čielggadusa III muddu gárvána jahkemolsašupmái, departemeanta áigu ovddidit láhkaárvalusa dan čielggadusa vuođul giđđat 2013.
Departemeanta ráhkkana dasa, ahte Stuorradikki láhkamearrádusat, mat dahkkojuvvojit Báŋkoláhkakommišuvnna čielggadusaid II ja III muttu vuođul, ja daidda gullevaš láhkaárvalusaid vuođul, boađášedje fápmui oktanis.