Friijapoliissaid ja kapitálagáibádusaid čielggadeapmi

Báŋkoláhkakommišuvnna jođiheaddji Erling Selvig doaimmahii odne friijapoliissaid ja kapitálagáibádusaid čielggadeami ruhtadanministtar Sigbjørn Johnsenii.

 
Báŋkoláhkakommišuvnna jođiheaddji, Erling Selvig, ovdanbuktá čielggadeami nr. 25, NOU 2012: 3 Fripoliser og kapitalkrav, ruhtadanministtar Sigbjørn Johnsenii. Govva: Tor Martin Bærum

Guorahallamis árvalit rievdadit fitnodatpenšuvdnalága friijapoliisanjuolggadusaid, ja dan láhkai ráddjet friijapoliissaid logu. Báŋkoláhkakommišuvdna čielggada maid heaggadáhkádusservviid hástalusaid friijapoliissaid hálddašeami oktavuođas.
- Ovddiduvvon konkrehta árvalusaid lassin čielggadus lea buorre guorahallanvuođđu, go bargat viidáseappot ođđa penšuvdnabuktagiiguin,  ruhtadanministtar Sigbjørn Johnsen dadjala.

Loga eanet árvalusain Báŋkoláhkakommišuvnna preassadieđáhusas.

Ruhtadandepartemeanta sádde dál čielggadeami gulaskuddamii. Departemeanta áigu ovddidit láhkaárvalusa čakčat 2012, nu ahte rievdadusat sáhtášedje boahtit fápmui ođđajagemánu 1. beaivvi 2013.