Preassabovdehus: 2013 stáhtabušeahtta

Ráđđehusa 2013 stáhtabušeahta evttohus ovdanbuktojuvvo vuossárgga golggotmánu 8. b. dii. 10.00. Ruhtadanministtar Sigbjørn Johnsen doallá preassakonferánssa dii. 12.30 R4 dievasčoahkkinlanjas. Bušeahttadokumeanttaid sáhttá viežžat dii. 10.00 rájes R4 dievasčoahkkinlanja olggobealde (Sisa Møllergata 17 uvssas).

Dii. 06.30: Finánsaministtar Sigbjørn Johnsen vástida preassa gažaldagaid oanehaččat ásodagas olggobealde. Ruhtadanministara oktavuođaolmmoš lea politihkalaš ráđđeaddi Randi Ness, tel. 907 61 682. Su fáhte dii. 06.15 rájes. Váldet fal vuhtii guovllu ássiid ja lehket várrugasat johtolaga ektui.

Dii. 10.00: Ruhtadanministtar Sigbjørn Johnsen doallá ruhtadansáhkavuoru Stuorradikkis. Ruhtadansáhkavuoru čájehit journalisttaide stuorra šearpmas R4 dievasčoahkkinlanjas. Preassagihppaga ja bušeahttadokumeanttaid sáhttá viežžat neahttasiiddus regjeringen.no dii. 10.00 rájes.

Dii. 12.30: Ruhtadanministtar doallá preassakonferánssa R4 dievasčoahkkinlanjas. Sisa beassá Møllergaten nr 17 uvssas. Preassakonferánssa čájehit njuolggosáttan Nett-TV:s.

Stáhtabušeahta ovdanbuktet maid stáhtabušeahttaportálas. Bušeahttadokumeanttaid ja preassadieđáhusaid lassin neahttaportálas lea A-Å-várddus, mas logahallet áigeguovdilis fáttáid ja stáhtabušeahta doaimmaid fylkkaid mielde.

Bušeahttadokumeanttaid sáhttá viežžat báberhámis diibmu 10.00 rájes R4 dievasčoahkkinlanjas. Váldonjuolggadussan lea okta gihppu guđege olbmui. Dat geat dárbbašit eanet gáhppálagaid sáhttet diŋgot Fagbokforlaget (offpub@fagbokforlaget.no) bokte. Almmolaš suorggi bargit sáhttet diŋgot Departemeanttaid bálvalanguovddážis (publikasjonsbestilling@dss.dep.no).