Aktiver Javascript i din nettleser for en bedre opplevelse på regjeringen.no

Historjjálaš arkiiva

Servodatekonomiija analysaid guorahallan

Historjjálaš arkiiva

Almmustahttináigodat Regjeringen Stoltenberg II

Almmustahtti: Ruhtadandepartemeanta

Lávdegoddi, mii lea geahčadan servodatekonomiija analysaid rámmaid Norggas, lea odne geigen raporttas ruhtadanministtar Sigbjørn Johnsenii. Lávdegoddi nammaduvvui guovvamánu 18. b. 2011 ja dan lea jođihan Norgga gávpeallaskuvlla professor emeritus Kåre P. Hagen, ja lávdegoddái leat searvan ekonomiija áššedovdit.

Lávdegoddi, mii lea geahčadan servodatekonomiija analysaid rámmaid Norggas, lea odne geigen raporttas ruhtadanministtar Sigbjørn Johnsenii. Lávdegoddi nammaduvvui guovvamánu 18. b. 2011 ja dan lea jođihan Norgga gávpeallaskuvlla professor emeritus Kåre P. Hagen, ja lávdegoddái leat searvan ekonomiija áššedovdit.

- Giittán vuđolaš barggus ja lean movtta go leat ožžon lávdegottis ovttajienalaš ávžžuhusaid. Servodatekonomiija analyseren lea mávssolaš. Servodagas eai leat valjis resurssat, ja daid ferte vuoruhit. Analysat berrejit nu bures go vejolaš govvidit buot mávssolaš čuovvumušaid, nu ahte mii geat dahkat mearrádusaid sáhttit buohtastahttit iešguđet doaimmaid, ruhtadanministtar Sigbjørn Johnsen dadjala.

Finánsadepartemeanta sádde dál raportta gulaskuddamii ja cealkámušaid sáhttá buktit gitta ođđajagemánu 15. b. 2013 rádjái.

- Lea mávssolaš lágidit viiddis ja rabas gulaskuddama dán vuđolaš raportta hárrái. Mii sávvat oažžut buriid árvalusaid, nu ahte boahtteáiggi rámmat šaddet nu buorit go vejolaš, ruhtadanministtar cealká.

- Háliidan erenoamážit giitit lávdegotti ja dan jođiheaddji, professor emeritus Kåre Petter Hagena. Sin vásáhusat ja gelbbolašvuohta addá oadjebasvuođa dan hárrái, ahte mandáhta lea ollašuhttojuvvon buoremus lági mielde, ruhtadanministtar loahpaha.

Čujuhit maiddái lávdegotti jođiheaddji iežas preassadieđáhussii.

Jearaldagaid guorahallama birra vástideaba:

Lávdegotti jođiheaddji, professor emeritus Kåre P. Hagen, telefovdna 55 95 92 70
Čállingotti jođiheaddji, ossodatdirektevra Frode Karlsen, telefovdna 22 24 43 64

Bajás