2012 stáhtarehketdoallu ovddiduvvon

2012 stáhtarehketdoalu oljodivoduvvon vuolláibáza šattai 101 miljárdda kruvnnu. Stáhta penšuvdnafoandda 2012 kapitála lassánii 532 miljárdda kruvnnuin. Dan čájeha stáhtarehketdoallu mii ovddiduvvui otne.

Stáhtarehketdoallu čájeha ahte oljodivoduvvon vuolláibáza šattai 3,7 miljárdda unnit go dan mii leai biddjon vuođđun ođđasalderejuvvon bušeahtas, gč. tabealla 2 ja 4. Jos vuhtiiváldá departemeantta fápmudusaid geavahit lassi sisaboađuid máksit lassi goluid, de sáhttá vuollegis vuolláibáhcaga sivvan dat ahte eará golut šadde unnit go meroštallojuvvon. Nannán-Norgga sisaboađut oktan vearuin ja divvagiin leat measta rievddatkeahttá.

Oljodivoduvvon vuolláibáza šattai 19 miljárdda kruvnnu unnit go salderejuvvon bušeahtas mii mearriduvvui čakčat 2011. Sivvan dasa lea ahte golut geahppánedje badjel beliin. Vearro- ja divatboađut lassánedje fas 7 miljárdda kruvnnuin. Dát muddejuvvojedje Reviderejuvvon nationálabušeahtas ja leat bisson rievddatkeahttá. Bušeahttaloguide ja eará makroekonomalaš loguide lea álo leamaš čadnon eahpesihkkarvuohta, ja jagi 2012 rievdadusat eai leat eará go dábálaš spiehkastagat.

Jagi 2012 petroleumboađuid geavaheapmi, mii mihtiduvvo strukturála, oljodivoduvvon vuolláibáhcagiin, rehkenastojuvvo 105,1 miljárdan kruvdnon dahje 3,2 proseantta Stáhta Olgoriikka penšuvdnafoanddas , gč. tabealla 1.

Stáhta penšuvdnafoandda kapitála lassáneami sivvan lea Stáhta Olgoriikka penšuvdnafoanda mas kapitálasturrodat jagi 2012 loahpas leai 3825 miljárdda kruvnnu. Norgga Stáhta penšuvdnafoandda badjebáza leai 145 miljárdda kruvnnu, gč. tabealla 3.

Tabealla 1 2012-bušeahta čoavddalogut (mrd. kruvnnu)	Salderejuvvon bušeahtta	Ođđasalderejuvvon bušeahtta	Rehketdoallu
A) Oljodivoduvvon vuolláibáza	120,2	104,6	100,9
B) Strukturála vuolláibáza	122,2	109,2	105,1
C) Vurdojuvvon reálavuoitu (4 proseantta)	124,6	132,3	132,3
D) Gaska 4.pst.-linnjái (B-C)	-2,4	-23,1	-27,2
E) SPU foandakapitála strukturála vuolláibáhcaga proseanta	3,9	3,3	3,2
F) Duohta gollolassáneapmi (proseanta)	2,1	2,3	1,8
G) Stáhtabušeahta badjebáza loanaid haga	0,0	0,0	3,7
H) Stáhta penšuvdnafoandda badjebáza	345,7	388,7	406,3
I) Stáhtabušeahta ja Stáhta penšuvdnafoandda badjebáza	345,7	388,7	409,9

 

Tabealla 2 Rievdadusat oljodivoduvvon vuolláibáhcagis 2012 (mrd. kruvnnu)	Salderejuvvon rehketdoalus sirdojuvvon rehketdollui	Ođđasalderejuvvon rehketdoalus sirdojuvvon rehketdollui
Vuolláibáhcaga unnideapmi	19,3	3,7
Netto boahtonuppástumit	8,8	3,3
Dás: Vearut ja divadat	7,0	-0,5
Hálddašanfitnodagaid sisaboađut	0,2	0,3
Reantosisaboađut ja vuoitu earret Statoil	-3,9	0,1
Lassiboađut gokčat lassigoluid		3,4
Departemeantta eará sisaboađut	5,6	0,0
Netto gollorievdadusat	-10,5	-0,3
Dás: Beaiveruđat	-1,5	0,1
Reantogolut	-2,1	0,0
Golut maid lassiboađut gokčet		3,4
Eará gollorievdadusat (netto)	-6,9	-3,8

 

Tabealla 3 Stáhta penšuvdnafoanda 2012 (mrd. kruvnnu)	Stáhta olgoriikka penšuvdnafoanda	Stáhta penšuvdnafoanda Norga	Oktiibuot
Netto reaidaruhtarávdnji petroleumdoaimmas	395,5
Sirdojuvvon stáhtabušehttii	104,6
Foandda reantoboađut ja vuoitu	109,7	5,7
Badjebáza	400,6	5,7	406,2
Kapitála 1.1.2012	3 307,9	129,5	3 437,4
Badjebáza	400,6	5,7
Valuhtamuddemat	-219,6	-
Realiserejuvvon/realiserekeahtes vuoitu/táhpa	335,6	10,0
Kapitála 31.12.2012	3 824,5	145,1	3 969,6
Foandakapitála ollislaš árvvu rievdadusat	516,6	15,6	532,2

 

Tabealla 4 Rehketdoallu, salderejuvvon ja ođđasalderejuvvon bušeahtta (mill. kruvnnu)		Salderejuvvon bušeahtta 2012	Ođđasalderejuvvon bušeahtta 2012	Rehketdoallu 2012
1.	Stáhtabušeahtta
A	Boađut oktiibuot	1 237 501	1 276 789	1 290 729
A.1	Petroleumdoaimma boađut	376 693	410 492	421 093
A.2	Boađut mat eai gula petroleumdoibmii	860 808	866 297	869 636
B	Golut oktiibuot	1 006 058	996 849	996 144
B.1	Petroleumdoaimma golut	25 002	26 002	25 610
B.2	Golut mat eai gula petroleumdoibmii	981 055	970 847	970 534
	Stáhtabušeahta oljodivoduvvon badjebáza (A.2-B.2)	-120 247	-104 550	-100 898
+	Sirdojuvvon Stáhta olgoriikka penšuvdnafoanddas	120 247	104 550	104 550
=	Stáhtabušeahta badjebáza ovdal loanaid	0	0	3 652
2.	Stáhta penšuvdnafoanda
	Netto reaidaruhtarávdnji petroleumdoaimmas stáhtabušehttii (A.1-B.1) sirdojuvvon Stáhta olgoriikka penšuvdnafondii	351 691	384 490	395 483
-	Sirdojuvvon Stáhta olgoriikka penšuvdnafoanddas stáhtabušehttii	120 247	104 550	104 550
+	Foandda reantoboađut ja vuoitu	114 300	108 800	115 307
=	Stáhta penšuvdnafoandda badjebáza	345 743	388 739	406 240
3.	Stáhtabušeahta ja Stáhta penšuvdnafoandda badjebáza oktiibuot	345 743	388 739	409 892