Stoltenberga vuostáiváldá Medvedjeva
Ealáhusovttasbargu gaskal Norgga ja Ruošša
Historjjálaš arkiiva
Almmustahttináigodat Regjeringen Stoltenberg II
Almmustahtti: Stáhtaministara kantuvra
Ođas | Almmustahtton: 26.04.2010 | Maŋimuš ođasmahttojuvvon: 10.05.2010
Bilaterála ealáhusoktavuođat leat deaŧalaččat go Ruošša presideanta Medvedjev guossástallá Norgga. Presideanta oassálastá ovttas stáhtaministar Stoltenbergain stuorát norgga ruošša ealáhuskonferánssas Oslos vuossárgga.
Bilaterála ealáhusoktavuođat leat deaŧalaččat go Ruošša presideanta Medvedjev guossástallá Norgga. Presideanta oassálastá ovttas stáhtaministar Stoltenbergain stuorát norgga ruošša ealáhuskonferánssas Oslos vuossárgga.
Govva: Per Thrana/Stáhtaministara kantuvra.
- Lean sihkkar ahte Medvedjeva stáhtaguossástallan Norggas váikkuha ovdánahttit norgga-ruošša ealáhusovttasbarggu viidáseappot, lohká stáhtaministtar Jens Stoltenberg.
Ulbmil konferánssain lei čájehit viidodaga ja norgga-ruošša boahtte áiggi ovttasbarggu vejolašvuođaid. Guovddáš fáttat ledje energiija, guolásteapmi, ođđa teknologiijaid ja industriijaovttasbarggu ovdánahttin. Guovddáš norgga ja ruošša ealáhusjođiheddjiin lei maiddái liiba deaivat Stoltenberga ja Medvedjeva.
Buorit rámmaeavttut leat deaŧalaš eavttut ealáhusoktavuođaid huksemii gaskal Norgga ja Ruošša. Ruošša searván WTO:i ja vejolašvuohta boahttevaš EFTA-gávpešiehtadussii Ruoššain lea maiddái veahkkin dasa. Dát gažaldagat leat maiddái fáddán guossástallama vuolde.
– Norga vuoruha EFTA-riikkaid ja Ruošša gávpešiehtadusa hui bajás ja mii doarjut ruošša WTO-mielláhttovuođa, lohká Stoltenberg.
Ruošša lea deaŧalaš gávpeoasálaš Norgii. Diibmá lei mis oktasaš norgga olggosriikkas fievrredeapmi ja sisarikkiifievrredeapmi Ruoššas 12 milliárdda kruvnno ovddas. Mearrabiebmu dahká badjel 80 proseantta norgga oktasaš olggosriikka fievrredeamis Ruššii. Maŋemus 10 jagi leat eanet ja eanet norgga fitnodagat áŋruššagoahtán ja odne leat badjel 100 norgga fitnodagas bissovaččat Ruoššas.