Divaštallat ássiidgulahallama birra

Stáhtaministtar Jens Stoltenberg lei duorastaga Berlinas, gos son divaštalai demokratiija, teknologiija ja ássiiguin gulahallama lihttokánsleriin Angela Merkeliin ja Stuora-Británnia stáhtaministariin David Cameronain.

Čuođi studeantta serve čoahkkimii, eanas duiskka, norgga ja brihttalaš. Vuođđun vuorroságastallamii ledje studeanttaid 2020 demokratiija višuvnnat ja oahppan riikarájiid rastá.  Maid sáhttet riikkat ja ássit oahppat nubbi nuppis? Čoahkkin lágiduvvui lihttokánslera kantuvrras.

Stáhtaministtar Jens Stoltenberg deattuhii earret eará ahte ođđa teknologiija rievdada min gulahallanvugiid, ja lea dehálaš ahte politihkkárat árvvus atnet ja láhčet dilálašvuođa ođđa teknologalaš čovdosiid ovdáneapmái.

Golbma ráđđehushoavdda deaivvadedje maiddái bargolunšii divaštallat áigeguovdilis politihkalaš gažaldagaid, earret eará finánsaroasu Eurohpás.

Geahča regjeringen.no neahtta-tv:s mas čoahkkimis leat filbmen.