Heahtedieđut neahtas

Stáhtaministtar Jens Stoltenberg galledii bearjadaga Servodatsihkkarvuođa- ja gearggusvuođa direktoráhta (DSB) Tønsberg gávpogis.  Dáppe son ee. rabai ássiide ođđa neahttabáikki heahtedieđuid birra.

Stáhtaministarii čilgejuvvojedje álggos direktoráhta doaimmat. Dasto deaivvadii son direktoráhta bargiiguin, ja rabai kriseinfo.no, eiseválddiid ođđa neahttabáiki heahtedieđuid birra, ovdal heahtedili,  heahtedilis ja maŋŋil.

Go duođalaš dáhpáhusat deaividit, de leat olu eiseválddiin áigeguovdilis dieđut ássiide, ja máŋgii sáhttá váttis diehtit gos áššáigullevaš dieđut leat gávdnamis. Neahttabáikkis kriseinfo.no galgá álbmot heahtedilis gávdnat dieđuid mat leat olámuttos, čielgasat ja áššáigullevaččat - beroškeahttá roasu hálddašeaddji suorggis.

• Kriseinfo.no