Illudahtti go jokse ovttamielalašvuođa Cancunas

- Mun lean ilus dál go dálkkádatčoahkkima loahppašiehtadus Mexicoas lea mearriduvvon. Dát lea dehálaš lávki ovddasguvlui dálkkádatrievdademiid vuostá bargamis, dadjá stáhtaministtar Jens Stoltenberg.

Cancunas leat ollu buori ja dássejuvvon mearrádusat. Dát lea gaskaneassoahpamuš man buot riikkat leat beassan váikkuhit áššiiguin mat sidjiide leat dehálačča. Soahpamuša vuođđun lea Københápman-soahpamuš, mii mearkkaša ollu joatki dálkkádatšiehtadallamiidda.

- Norga lea earenoamáš duhtavaš go leat olahan ovttamielalašvuođa mekanismmaid ektui mat galget dagahit nuoskkidangeahpideami  earenoamážiid ovdánahttinriikkain. Dát mekanisma vuolggaha dehálaš njuolggadusaid vuovdeovttasbargui mii ásahuvvui Oslos dán jagi miessemánus. Maiddái lea illudahttin go ng. karbonafáhten ja –vuorkun dál gullá ruoná ovdánahttimekanisma vuollái, man ektui Norga guhkitáiggi lea bargan, lohká Stoltenberg.

Maiddái leat soahpan ásahit ruoná foandda. ON alladáisijoavkku loahpparaporta, man Stoltenberg ja Etiopia stáhtaministtar Meles Zenavi leaba jođihan, šaddá leat dehálaš vuođđun digaštallamiidda ovddasguvlui movt ruoná fondii galggašii háhkat ruđaid.

- Go leat nagodan soahpat de dat vuosttažettiin lea rápmi Mexicoi dasa movt sii leat jođihan proseassa ja čoahkkima Cancunas. Sii lea čađahan fátmmasteaddji proseassa, ja čájehan dáhtu olahit gaskaneassoahpamuša vai buohkat ovddasguvlui rahčet seamma guvlui. Dát lea mearrideaddjin joatki dálkkádatšiehtadallamiidda, dadjá Stoltenberg.

- Cancun-šiehtadus fas ásaha luohttevašvuođa ON-prosessii ja dagaha ođđa doaivaga dasa ahte olles máilbmi nagoda čoavdit dálkkádatroasu. Šiehtadus lea buorre vuođđun olaheames čadni dálkkádatšiehtadusa,  ja dáinna mii hui duhtavačča, lohká Stoltenberg.