Skuvlaálgin 2010: Ođđa JOAČ (Ny GIV) hehttet skuvlaheaitima

Rahčamušat hehttet skuvlaheaitima joatkkaskuvllas leai váldotemá go stáhtaministtar Jens Stoltenberg ja máhttoministtar Kristin Halvorsen otne álggaheigga ođđa skuvlajagi ovttas Fyrstikken skuvlla ohppiiguin Oslos.  Doppe almmuhuvvui áŋgiruššandoaibma “Ođđa JOAČ”  (Joatkkaoahpahusa čađaheapmi).

• Dán galledeami sáhtát geahččat TV:s
• Loga eambo ráđđehusa doaimmaid birra vai eanebut čađahit joatkkaoahpahusa
• - Doaivu buriid bohtosiid ođđa skuvllas

- Mii diehtit ahte sii geat eai čađat joatkkaoahpahusa rahčet eanet go eará nuorat oažžumis bargguid. Gávdnojit uhcán barggut mat eai gáibit máhtu geavahit dihtorprográmmaid, máhttit eŋgelasgiela dahje rehkenastit. Danne lea dehálaš doaimmaide hehtten dihtii skuvlaheaitima, dadjá stáhtaministtar Jens Stoltenberg.

Ođđa áŋgiruššandoaibma ahte oažžut eanet ohppiid čađahit joatkkaoahpahusa, “Ođđa JOAČ” (joatkkaoahpahusa čađaheapmi), ovdanbuktojuvvui ohppiide:

- Našuvnnalaš dásis biddjo dát bargu johtui gos álbmogassii ferte ráhčat vai eanebut čađahit joatkkaoahpu. Mis lea juo ovttasbargu fylkkaiguin, ja mis galgá maid systemáhtalaš ovttasbargu buot fylkkaid politihkalaš ovddasvástideddjiiguin. Buorit fámut mat gávdnojit báikkálaččat ja riikkadásis fertejit dál bargat ovtta guvlui, cealká máhttoministtar Kristin Halvorsen.

Ráđđehus lea juo bidjan johtui arvat doaimmaid buoridit čađaheami, ja áigu boahtte jagi mielde bidjat johtui olu ođđa doaimmaid. Jagi 2010is lea ee. várrejuvvon 225 miljovnna nannet oahpahallidoarjaga ja čuovvolit Jo ohppiid geat rahčet fágalaččat. “Ođđa JOAČ” doaimmat joatkašuvvet jagi 2013 rádjái.

Giđđat 2011 almmuha máhttoministtar stuoradiggedieđáhusa nuoraidskuvlla birra, mii ee. meannuda movt nuoraidceahki dahkat eanet praktihkalažžan ja árgabeaivválažžan, ja movt buoridit ohppiid máhtu ja loaktima.

- Mii diehtit ahte nuoraidskuvllas boahtit joatkkaskuvlii sáhttá garrasit čuohcat oahppamii. Ovddasguvlui mii bidjat návccaid buoridit ovttasbargu nuoraidskuvlla ja joatkkaskuvlla gaskka, dadjá máhttoministtar Kristin Halvorsen.