Ovddeš stáhtaministtar Jens Stoltenberg (Ap – Bargiidbellodat)

(17.10.05 - 16.10.13)

Stáhtaministtar lea ráđđehusa njunnošpolitihkar geas lea ovddasvástádus jođihit ja ovttastahttit barggu ráđđehusas.

Jens Stoltenberga lea riegádan Oslos njukčamánu 16. beaivvi 1959. Son lea náitalan Ingrid Schulerudain. Sudnos leat guokte máná. Stoltenberga lea cand.oecon (sosiálaekonoma) Oslo universitehtas 1987.

Stoltenberga lei stáhtaministtar 2000-2001, finánsaministtar 1996-1997 Thorbjørn Jaglanda ráđđehusas, ealáhus- ja energiijaministtar 1993-1996 Gro Harlem Brundtlanda ráđđehusas, ja stáhtačálli Luonddugáhttendepartemeanttas 1990-1991 Gro Harlem Brundtlanda ráđđehusa áiggi.

Stoltenberga lea leamaš Oslo stuorradiggeáirras 1993 rájes. Son lei Stuorradikki sadjásašáirras 1989-1993, doaimmai áirrasin 1991-1993. Son lei Bargiidbellodaga parlamentáralaš jođiheaddji ráđđehusmolsašumis, ja sosiálalávdegotti lahttu 1991-1993, oljo- ja energiijalávdegotti jođiheaddji 1997-2000 ja olgoriikalávdegotti lahttu 2001-2005.

 

Bajás