Odne mii orustit ja muittašit sin geat jápme.Dan mii dahkat oktan našuvdnan.Mii buohkat ovttas ..." /> Odne mii orustit ja muittašit sin geat jápme.Dan mii dahkat oktan našuvdnan.Mii buohkat ovttas ..." />

Aktiver Javascript i din nettleser for en bedre opplevelse på regjeringen.no

Historjjálaš arkiiva

Stáhtaministara sárdni 22.7.2011 našunála muitodoalus

Historjjálaš arkiiva

Almmustahttináigodat Regjeringen Stoltenberg II

Almmustahtti: Stáhtaministara kantuvra

Majestehtat,
Gonagaslaš allavuođat,    
Ráhkis buohkat,

Odne mii orustit ja muittašit sin geat jápme.
Dan mii dahkat oktan našuvdnan.
Mii buohkat ovttas massiimet dan mii leat buot árvvoleamos.
77 heakka.
Ovttas mii vuittiimet vaši badjel.
Ovttas mii sallut rabasvuođa, gierdevašvuođa ja searvevuođa.

Mii leat dinguin ovttas čirron geat bággejuvvuidet maŋimus earu váldit hávdde guoras.
Mii oassádallat dinguin geat ehpet eret beasa dán čáhppes bearjadaga govain, jienaid ja hájain.

Mii lea giitán din geat heakkas beasaidet dáhpáhusas.
Giitu didjiide geat bákčasa váidudehpet.

Juohke čuovga lea liggen.
Buot jurdagat leat jeđđen.
Juohke ruvsu lea addán doaivva.

Mii leat smávva riikan. Muhto stuorra álbmot.

Mis leat buohkain ollu gažaldagat.
Mii ovttas bivdit rehálaš vástádusaid.
Ii danin vai sivahallat vearredahkki.
Vai diehtit.
Vai oahppat.
Vai beassat ovddasguvlui.

Gudnejahttimis sin geat masse heakkas, de galgat geahččat ovddasguvlui.
Dat mearkkaša maiddái earráneami.
Árgabeaivvis vurdet sihke earalágánvuođat ja sierramielalašvuođat.
Valljivuohta.
Dan mii sávvat bures boahtima.

Golbma doaimmaiguin galgat bargat ovddasguvlui suoidnemánu 22.beaivvi oktavuođavuoiŋŋa mielde.

Vuosttaš lea oaidnit din geat jura lehpet vánddardišgoahtán morraša bálgá mielde.

Bearraša guhkes morrašis leat geahččalusat maid mii eará dušše gamus dovdat.

Guoros stuollu boradanbeaivvi guoras.
Riegádanbeaivi riegádanbeaimáná haga
Vuosttaš juovllat.

Don sáhtát veahkehit.
Gáhkket. Bovdet gáfeguossái. Vánddardit ovttas.
Stuorit skeaŋka go buorrevuohta ii obage gávdno.

Nubbi lea áicilvuođain fuomášit buotlágan ravdamearálašvuođaid.
Mii galgat oahppat nuorain.
Mii galgat dustet vaši ákkaiguin.

Mii galgat bovdet ruoktot sin geat leat lahppon.
Sin geat dorvvastit veahkaválddálašvuhtii mii galgat  vuosttaldit.
Mii galgat sin duste buotlágan demokráhtalaš vearjjuiguin.
Mii galgat sin duste juohke sajis.

Goalmmát bargu lea ásahit dorvvolašvuođa.
Buorre gearggusvuohta dagaha dorvvolašvuođa.
Oinnolaš politiijat  ásahit dorvvolašvuođa.
Dárkkisteamit. Hárjehallamat. Reaiddut.

Buot dán mii dáhttut.
Muhto mii dárbbašat juoga mii lea vel deháleappot.
Mii dárbbašat du.

Beroškeahttá gos orut.
Beroškeahttá guđe ipmila bálvalat.

Juohke áidna mis sáhttá váldit ovddasvástádusa.
Juohke áidna mis sáhttá gozihit friddjavuođa.

Ovttas mii ásahat bistilis fuolahus, demokratiija ja dorvvolašvuođabátti.

Dat lea min suodjalus veahkaválddálašvuođa vuostá.

Bajás